又有一隻香蕉熟到唔見得人
我又整香蕉蛋糕
今次試下用糖霜
家中有包杏仁片
加幾片在面幾好睇
今次沒界面由得佢自己爆
都爆得幾靚吖
新鮮出爐即食
香噴噴外脆內軟非常可口
不可不吃
材料
牛油100克 糖霜100克 雞蛋2隻 香蕉1隻 低筋粉100克 泡打粉1/2茶匙 杏仁片適量
做法
- 牛油室溫放軟，加入糖霜打發，分兩次加入雞蛋打勻
- 麵粉加入泡打粉一起篩勻，倒入牛油拌勻
- 香蕉去皮用叉壓爛，加入麵糊拌勻
- 蛋糕模先掃點牛油，倒入少量麵粉(份量外)搖勻倒出多餘麵粉
- 倒入麵糊，放上杏仁片，放入已預熱焗爐，上火220度，下火200度，放下層，熱風對流
- 焗約20分鐘開始上色，上火下調至200度，前後對調，焗至夠色加錫紙
- 全程約45分鐘
各家爐火有異，請自行調節
可以用砂糖不用糖霜
我家新焗爐超低溫，所以比平時用高火一點
牛油蛋糕要比普通海棉蛋糕高火
一定要試過熟透才可以出爐
咁正，我又要食，請問用糖霜icing sugar 有乜分別？
回覆刪除請你食！平時用細紗糖，咁啱屋企用完，所以我就用咗糖霜。
刪除糖霜加牛油打起，等於曲奇，新鮮出爐個皮好鬆脆。平時用細砂糖都脆，但比較硬一點。其實都好吃的！
明白，謝謝您的分享。
刪除不必客氣！
刪除我都做咗香蕉蛋糕,我都有糖霜，下次又試下先。
回覆刪除你都經常做香蕉蛋糕，下次試下用糖霜，睇下有冇區別。
刪除我沒有試過做香蕉蛋糕，稍後用你的食譜試做，先謝謝分享。
回覆刪除好吃的，試下啦，不必客氣。
刪除