炸子雞

以前去飲一定有炸子雞

現在是叫南乳吊燒雞

當然都是脆卜卜睇見想食的

我以前都做過

個上皮水不太合心水

最近在網上見到一個比較細份量的

馬上試下

效果不錯適合小家庭

記錄下來

上皮水

麥芽糖1湯匙   大紅浙醋1湯匙   米醋1茶匙   滾水10湯匙   酒1湯匙

醃料

南乳  鹽  糖  五香粉  薑  乾蔥各適量

做法

1. 雞洗淨瀝乾水，醃料放入雞肉那面醃過
2. 用滾水淋雞皮，掛起晾乾
3. 上皮水攪勻，淋上雞皮再掛起晾亁
4. 雞放在漏殼上，由溫油開慢慢淋上，直到雞皮金黃色

酒樓當然整隻雞放入燒爐燒便可

家庭也可放入焗爐烤，我用原始方法

沒煮汁了，我用甜酸雞醬拌食，不錯。

瑞士汁雞翼

 雞翼真是很好的食材

由雪櫃到上桌

可以短時間內出菜

今次煮瑞士汁雞翼

與以往的有少許變動

出品爽口又好味

材料

雞中翼12隻  瑞士汁1碗  清水一碗   玫瑰露酒2湯匙  薑、蔥、廚酒各少許

 

做法

1. 雞中翼沖水，加2湯匙鹽加少許水浸約10分鐘，解凍洗淨瀝乾水
2. 清水加薑蒽，放入雞翼加廚酒煮滾，飛水，沖水洗淨瀝乾備用
3. 瑞士汁一碗，加清水一碗煮滾，加入玫瑰露酒，放入雞翼
4. 煮滾收至中慢火，煮約7分鐘，全程不加蓋
5. 熄火浸15分鐘，可以上碟

家中沒玫瑰露酒可以加米酒或省略

滷水牛腱

 父親節大細少約好來我家吃

整返個冷盤都好喎

很久無整過滷水牛腱

去到凍肉舖好象找不到巴西牛腱

原來為了增加重量

包了一層厚厚的薄膜膠紙我認唔到

買了四條回家

拆去多餘的膠紙稱一下

竟然是163克

還好做出來效果不錯

大家吃得開心

真是老人痴呆

影咗兩張相

放落鑊蒸之後忘記影相了

詳細圖片請看滷水牛腱

在舊網誌有食譜

但已經連結不上了

有空再補上吧

可能我最用心做了幾年的食物

快將消失了

材料

牛腱適量   沙薑、香葉、八角、桂皮、甘草各少許

調味

滷水適量

蘸汁   白醋加白糖適量，蒜茸及紅椒碎少許

做法

1. 牛腱解凍洗淨瀝乾水，加薑、蔥、酒出水，洗淨備用
2. 牛腱放一盤內，加入香料，加酒大火蒸約1小時15分鐘至腍
3. 滷水煮滾，加入腱熄火，浸約12小時
4. 切簿片上碟，跟醋蘸汁上

貼士

1. 如果家中沒有滷水，牛腱蒸好後加滾水至浸過牛腱，加入鹽、糖、雞粉、老抽適量，蒸至調味料溶，熄火浸約12小時。味道要比較偏重才入味。
2. 牛腱蒸至筷子剛插得入便可，過腍不好吃
3. 簿較好吃

 

豉油雞(瑞士汁)

浸咗一隻白切雞

只吃了半隻

仲有半隻放到第二天

 做了豉油雞

取一碗瑞士汁加一碗水煮滾

放入白切雞

收慢火煮15分鐘熄火

再浸15分鐘

放涼斬件上碟

栗子炆雞&肥叉燒

 好多栗子賣又平又靚

買了用來炆雞

又香又粉真係好吃

叉燒我喜歡食有點肥的

買了一條五花肉

做咗叉燒

用氣炸鍋方便快捷

薰蹄

 經過凍肉舖

見到賣25蚊兩隻豬踭寫明不斬

受唔住引誘買了兩隻

用來做薰蹄

雖然有點麻煩

但好吃的

油雞檔有得賣都好貴

食官好鍾意

詳細食譜請看薰蹄

做法

1. 解凍，燒毛，洗淨(淡鹽水浸15分鐘去雪味)
2. 薑蔥酒出水15分鐘，沖洗乾淨
3. 清水慢火煮約1小時至熟
4. 撈起浸凍水至涼，切開兩邊去骨，再洗淨瀝乾水
5. 浸滷水4-6小時，至入味
6. 切薄片上碟
7. 跟汁上：白醋加砂糖，紅椒碎，蒜蓉

瑞士雞翼

 雞翼真係好

無論點煮都好食

又不論多少

如果只是一人餐

整三隻都可以

真是快捷妥當

今回就整瑞士雞翼

非常美味噢

材料

瑞士汁1碗  玫瑰露酒2湯匙  雞中翼10隻  薑、蔥、廚酒各少許

 

做法

1. 雞中翼解凍洗淨，清水加薑蒽煮滾加廚酒
2. 放入雞翼飛水，沖水洗淨瀝乾備用
3. 瑞士汁一碗，加清水半碗煮滾，加入玫瑰露酒，放入雞翼
4. 煮滾收至中慢火，煮約10分鐘
5. 熄火浸5分鐘，可以上碟

家中沒玫瑰露酒可以省略

烤雞翼

見街市油雞檔有叉燒色的雞翼

我又試下

用醃叉燒的方法醃雞翼

烤起來有叉燒的香味

加多個薯仔一起烤

加幾條菜就是一個餐

飯都免了

材料

雞翼  薯仔   西蘭花

醃料

叉燒醬、海鮮醬、砂糖、玫瑰露酒各一湯匙，油、麥芽糖各一茶匙

做法

1. 雞翼解凍洗淨瀝乾水，加入醃料醃一小時或以上
2. 薯子去皮切塊，放滾水中煮約5分鐘瀝乾水加少許鹽拌勻
3. 烤盤墊上錫紙，先放入薯仔，再放上雞翼，烤至兩面金黃色
4. 西蘭花加點調味炒熟，隨喜好上碟

流心蛋

最近雞蛋平咗

最抵買過20蚊一盤

啡色泰國蛋

大少教我做流心蛋

雞蛋洗淨浸下水回溫

滾水落蛋

大火煮六分鐘

撈起浸凍水

去殼後浸滷水

我冇滷水浸下瑞士汁

都唔錯喎

肥叉燒

不久前做過叉燒
食官大讚好味
希望叉燒肥一點就更理想了
去凍肉舖買了兩條腩肉
照上次的方法做
先燒一條
好靚呀
切開試下
真美味
食譜請看自家製叉燒

腩很長
我就一分為二

豉油乳鴿

好耐冇食過乳鴿

買返包BB乳鵨

做了兩隻豉油乳鴿

原來貴咗好多

一包五隻150蚊

不過自己整食得安心

BB鴿細隻很多

但勝在骨軟肉滑

瑞士汁好味道

真係唔錯

 

食譜請看瑞士汁乳鴿