買左一包乳鴿
五隻110蚊我覺得抵食
雖然豉油汁可以自己煮
但都算是麻煩事
想食豉油乳鴿又想快
有個好辦法
就係去超市買支瑞士汁
咁就方便快捷喇
我用李錦記
好香好好味架
材料
瑞士汁一支 乳鴿2隻 薑、蔥、廚酒各少許 清水一碗
做法
- 乳鴿洗淨，清水適量加薑蔥煮滾加入酒
- 放入乳鴿飛水，沖水洗淨瀝乾備用
- 瑞士汁加入清水一碗煮滾
- 放入乳鴿煮滾收至最細火，煮15分鐘反轉再煮15分鐘
- 取出乳鴿瀝乾，晾涼後斬件上碟
心得
豉油雞汁多至可以浸過乳鴿，煮15分鐘熄火浸15分鐘便可
乳鴿一定要全熟，否則有陣腥味
也可以飛水後先用清水煮15分鐘，才加進豉油汁煮15分鐘味道較清
烹煮全程不加蓋
翠兒姐~嘩~乳鴿很久很久沒有食,看一看已經滿足了, 唐人超市雪藏生貨都US$18一隻,我家囝囝開了一個~私家BLOG~給媽媽,有空歡迎來~聊聊天!~~ http://www.maggiehomekitchen.com/
回覆刪除相請不如偶遇~~更歡迎~~舊雨新知~~BLOG友來~聊聊~
Maggie姐你好呀！好耐冇見！
刪除去過你私家卜探你，恭喜晒呀，你有咁靚既新居，但我吾多識留言。
三位年青人送給你的生日禮物好有心思，快D整多D美食出卜啦。
係喎，Maggie係以前嘅博友，喺「絕代双嬌」出現過，很久不見，好嗎？
刪除祝兩位聖誕快樂，身體健康。
多謝雨大俠！也祝你聖誕快樂、身體健康！
刪除早晨翠兒:整得好靚!你D乳鴿邊樹買架.好抵喎!我附近街市買$55兩隻。
回覆刪除多謝惠惠！自己整慳好多架。
刪除我以前都係買開55蚊兩隻，大隻D肥D囉。
今次去廣東道1063號，近亞皆老街一間凍肉舖買，單挑23蚊一隻，成包5隻就110蚊，你去買啦，尋日都見有得買。
$110/5隻？在那兒有這麼便宜？$50/2隻簡直成了公價....
回覆刪除廣東道1063號，近亞皆老街一間凍肉舖，單挑23蚊一隻，成包5隻就110蚊。
刪除又要嚟睇睇,畫梅止吓渴都唔錯! 我好似重聞到乳鴿啲香味添!
回覆刪除多謝年青人！乳鴿真係有一種好獨特的香味！
刪除師姐，乳鴿色澤好靚，瑞士汁係好幫手！
回覆刪除等我大掃除完廚房，就試試吧！ (今年煮過幾次飯咋！)
多謝師姐！瑞士汁好香，真係幫到手！
刪除抖下先做啦，食左再做過！
靚得好緊要，睇吓都開心。我呢度賣得好貴，等返香港至有得食呀。
回覆刪除多謝多謝！返香港食多D啦！
刪除咁抵，邊度買呀???
回覆刪除好遠呀雀后，係旺角買架！
刪除我都想知邊度買呢？
回覆刪除最近買過$70兩隻！
我又係正想問邊度買，因為真的好抵..^.^
刪除我買開係55蚊兩隻。
刪除今次去廣東道1063號，近亞皆老街一間凍肉舖買，單挑23蚊一隻，成包5隻就110蚊，你地去買啦，尋日都見有得買。
110蚊5隻...我呢度買通常都要成十蚊隻呢, 仲唔係成日有得賣, 香港真係美食天堂!
回覆刪除係呀！我都覺得好抵買！
刪除賣相一流,超吸引!
回覆刪除多謝多謝！食落仲吸引呀！^o^
刪除聖誕快樂, 主恩常在.
回覆刪除多謝samwei！
刪除也祝你聖誕快樂！
我都係鍾意簡便快捷方法，我都試吓用瑞士雞汁先，我呢邊冇咁平呀，一隻都要美金8-9蚊
回覆刪除喱隻牌子瑞士汁好香好好味，你都試下啦！
刪除有D朋友仲話外國好難買到乳鴿添呀！
翠兒~聖誕快樂呀
回覆刪除多Terry Ma！
刪除也祝你聖誕快樂！新年進步！
Hi 好耐冇傾呀! 乳鴿又買得平又整得靚.
回覆刪除多謝小魚！得閒多D黎傾計啦，吾知點解我入吾到你屋企呢。
刪除