2013年9月27日 星期五

日式芝士蛋糕

做這款蛋糕
經過無數次的失敗
總算從失敗中總結了一點經驗
這個蛋糕出爐後要盡快脫模
甩底模比密底模方便
連做三次都成功冇爆面
我算是成功了
快快記下食譜心得
希望以後整都順順利利
 
  
 
 
  
 
 
 
 
 
 
 
  
 
 
 
材料  7吋不黏甩底模
 
忌廉芝士150克  雞蛋3隻  糖75克  牛奶75克  牛油30克  低粉20克  粟粉10克
 
做法
  1. 雞蛋分開蛋黃和蛋白,預熱焗爐180度上下火
  2. 芝士室溫放軟,加入牛奶,座熱水攪勻加入牛油再攪至幼滑
  3. 離火加入蛋黃攪勻,篩入粉類拌勻成幼滑麵糊
  4. 蛋白打至起大泡,分兩次加入糖,打至七成發起便可
  5. 取三分一蛋白霜加入麵糊拌勻,倒進餘下的蛋白霜中拌勻
  6. 蛋漿倒入墊上底紙的模,輕敲兩下,放在一隻碟上
  7. 座清水入焗爐最下層焗20分鐘,降溫至165度再焗60分鐘
  8. 出爐稍涼,盡快脫模
  9. 切底晾涼才可切件食用
 
各家爐火有異,請自行調節,我家焗爐偏低溫
心得
 
蛋白切忌打得過發,用碟裝著甩底模不會入水,出爐盡快脫模
 
之前焗芝士蛋糕次次爆面,學網友用加冰的方法又焗吾熟,是因為未與焗爐溝通好。
我家焗爐是細爐,上下發熱線距離太近,蛋糕好快便升高至接近發熱線就爆面;座水加冰爐溫太低,蛋糕焗吾熟。最後是在爐底發熱線上加個蒸架,一開始用清水,中途看見蛋糕想裂可再加清水降溫,這樣解決爐溫太低的問題。模底加隻碟,可以防水,又可以降溫。全程共焗80分鐘,出爐即離模好易脫模。
 
 
 
 

26 則留言:

  1. 這個心得很好呢!我以前就是打蛋白打得太過,升高得太厲害,出爐就縮水!

    回覆刪除
    回覆
    1. 係呀,升得快一出爐就縮得好快。

      刪除
  2. 嘩!好似凑BB咁小心喎,不過,咁靚就值得嘅,多謝您的分享:X

    回覆刪除
    回覆
    1. 哈!BB湊大左喇,依家得心應手喇!
      吾使客氣,我的分享細焗爐才啱用架。

      刪除
  3. 係呀,升得快一出爐就縮得好快。

    回覆刪除
    回覆
    1. 回應都攪錯位,真係好笑!

      刪除
  4. 我用過好多方法都係爆面, 下次試下你呢個先~~

    回覆刪除
  5. 多謝心得分享! 希望下次跟翠兒姐做法會有改善! 我次次都失敗……個蛋糕出爐後回縮很厲害!><

    回覆刪除
    回覆
    1. 試下啦,我失敗過好多次,真係舉過幾次白旗話吾整架喇。

      刪除
  6. 多謝妳寶貴意見,跟方法試做

    回覆刪除
  7. 哈!一入屋就有得食,初次到訪,兩手空空真醜怪 :-(

    回覆刪除
    回覆
    1. 雨大俠你返黎喇!謝謝到訪,翠兒屋企剩係識食架咋!^^

      刪除
  8. 你講得啱,打蛋白係關鍵!打發過度好易裂面。

    回覆刪除
    回覆
    1. 軒軒:終於成功喇,好開心呢!不要打過發,又要打至幼滑!^^

      刪除
  9. 翠兒:多謝你來探我,吾好意思,現在要從頭學,慢慢實習。你屋企有好多嘢食?

    回覆刪除
    回覆
    1. 惠惠:好開心係喱度見到你呀!我都好倫盡呀,吾緊要啦,又從頭學過!
      哈哈!你都知道翠兒屋企剩係識食架咋!

      刪除
  10. 我冇免黏的旦糕模,有什么方法呢?thx翠兒.

    回覆刪除
    回覆
    1. 普通蛋糕模都一樣可以架。

      刪除
  11. 翠兒,你好呀,我常常看你的食譜,見你整得個芝士蛋糕甘靚又學你整拉!第一次就唔熟,只焗了半小時,第二次焗了一小時,爆面兼有沉底但亦好好食,第三次爆面爆到七彩,但無沉底,但覺得幾濕,焗左一個小時用120度焗,希望第四次成功拉!

    回覆刪除
    回覆
    1. 謝謝到訪!謝謝留言!
      我都經過無數次的失敗才成功架,在錯誤中學習,係最好的經驗。
      咁遲先回覆,吾好思意,相信你已經成功了,恭喜你呀!

      刪除
  12. 你好呀, 我想請問一下係唔係預熱時已經在焗盤加水? 另外, 在爐底發熱線上加個蒸架是否指從下至上的擺法係焗盤->蒸架->碟->蛋糕模? 會唔會令蛋糕太近焗爐的上發熱線? 哈哈sorry呀問題有D多:P

    回覆刪除
    回覆
    1. 哈哈!sorry呀喱位朋友!我最近好忙,遲左答你問題。
      焗盤我是預熱後才加水的。加蒸架是因為我個焗爐太細,最底層距離上發熱線好近,所以才出此下策。一般焗爐放最下層便可以了,蒸架是多餘的。由下至上的擺法是:大焗盤加水>碟>蛋糕模;如果你用密底模,焗盤加水直接放入蛋糕模便可以了。

      刪除