做這款蛋糕
經過無數次的失敗
總算從失敗中總結了一點經驗
這個蛋糕出爐後要盡快脫模
經過無數次的失敗
總算從失敗中總結了一點經驗
這個蛋糕出爐後要盡快脫模
甩底模比密底模方便
連做三次都成功冇爆面
我算是成功了
快快記下食譜心得
希望以後整都順順利利
材料 7吋不黏甩底模
忌廉芝士150克 雞蛋3隻 糖75克 牛奶75克 牛油30克 低粉20克 粟粉10克
做法
- 雞蛋分開蛋黃和蛋白,預熱焗爐180度上下火
- 芝士室溫放軟,加入牛奶,座熱水攪勻加入牛油再攪至幼滑
- 離火加入蛋黃攪勻,篩入粉類拌勻成幼滑麵糊
- 蛋白打至起大泡,分兩次加入糖,打至七成發起便可
- 取三分一蛋白霜加入麵糊拌勻,倒進餘下的蛋白霜中拌勻
- 蛋漿倒入墊上底紙的模,輕敲兩下,放在一隻碟上
- 座清水入焗爐最下層焗20分鐘,降溫至165度再焗60分鐘
- 出爐稍涼,盡快脫模
- 切底晾涼才可切件食用
心得
蛋白切忌打得過發,用碟裝著甩底模不會入水,出爐盡快脫模
之前焗芝士蛋糕次次爆面,學網友用加冰的方法又焗吾熟,是因為未與焗爐溝通好。
我家焗爐是細爐,上下發熱線距離太近,蛋糕好快便升高至接近發熱線就爆面;座水加冰爐溫太低,蛋糕焗吾熟。最後是在爐底發熱線上加個蒸架,一開始用清水,中途看見蛋糕想裂可再加清水降溫,這樣解決爐溫太低的問題。模底加隻碟,可以防水,又可以降溫。全程共焗80分鐘,出爐即離模好易脫模。
這個心得很好呢!我以前就是打蛋白打得太過,升高得太厲害,出爐就縮水!
回覆刪除係呀,升得快一出爐就縮得好快。
刪除嘩!好似凑BB咁小心喎,不過,咁靚就值得嘅,多謝您的分享:X
回覆刪除哈!BB湊大左喇,依家得心應手喇!
刪除吾使客氣,我的分享細焗爐才啱用架。
係呀,升得快一出爐就縮得好快。
回覆刪除回應都攪錯位,真係好笑!
刪除翠兒越整越出色呢!^^
回覆刪除多謝Allie!你過奬喇!
刪除我用過好多方法都係爆面, 下次試下你呢個先~~
回覆刪除試下啦,祝你成功!
刪除多謝心得分享! 希望下次跟翠兒姐做法會有改善! 我次次都失敗……個蛋糕出爐後回縮很厲害!><
回覆刪除試下啦,我失敗過好多次,真係舉過幾次白旗話吾整架喇。
刪除多謝妳寶貴意見,跟方法試做
回覆刪除吾使客氣,祝你成功!
刪除哈!一入屋就有得食,初次到訪,兩手空空真醜怪 :-(
回覆刪除雨大俠你返黎喇!謝謝到訪,翠兒屋企剩係識食架咋!^^
刪除你講得啱,打蛋白係關鍵!打發過度好易裂面。
回覆刪除軒軒:終於成功喇,好開心呢!不要打過發,又要打至幼滑!^^
刪除翠兒:多謝你來探我,吾好意思,現在要從頭學,慢慢實習。你屋企有好多嘢食?
回覆刪除惠惠:好開心係喱度見到你呀!我都好倫盡呀,吾緊要啦,又從頭學過!
刪除哈哈!你都知道翠兒屋企剩係識食架咋!
我冇免黏的旦糕模,有什么方法呢?thx翠兒.
回覆刪除普通蛋糕模都一樣可以架。
刪除翠兒,你好呀,我常常看你的食譜,見你整得個芝士蛋糕甘靚又學你整拉!第一次就唔熟,只焗了半小時,第二次焗了一小時,爆面兼有沉底但亦好好食,第三次爆面爆到七彩,但無沉底,但覺得幾濕,焗左一個小時用120度焗,希望第四次成功拉!
回覆刪除謝謝到訪!謝謝留言!
刪除我都經過無數次的失敗才成功架,在錯誤中學習,係最好的經驗。
咁遲先回覆,吾好思意,相信你已經成功了,恭喜你呀!
你好呀, 我想請問一下係唔係預熱時已經在焗盤加水? 另外, 在爐底發熱線上加個蒸架是否指從下至上的擺法係焗盤->蒸架->碟->蛋糕模? 會唔會令蛋糕太近焗爐的上發熱線? 哈哈sorry呀問題有D多:P
回覆刪除哈哈!sorry呀喱位朋友!我最近好忙,遲左答你問題。
刪除焗盤我是預熱後才加水的。加蒸架是因為我個焗爐太細,最底層距離上發熱線好近,所以才出此下策。一般焗爐放最下層便可以了,蒸架是多餘的。由下至上的擺法是:大焗盤加水>碟>蛋糕模;如果你用密底模,焗盤加水直接放入蛋糕模便可以了。