油渣麵

以前住大角咀

早上經常去英記買油渣麵給囝囝做早餐

我開始買時大約七蚊一碗

之後慢慢加價

後來買是十蚊一碗

在洋松街一個樓梯底

由兩個女人經營

街邊只放了一張枱

很好生意的

到中午接放學經過

時常見到一些大叔在喝酒吃麵

後來舊區重建

聽講買了舖位

生意更好

有明星專程開車去幫襯的

我家間中會炸少量豬油

自然有靚靚油渣

今次突然想起油渣麵

我根據以前看見英記放在桌面的配料

略加修改

英記用冬菜但我家怕大蒜味改用菜甫

當然我的冬菇比佢靚

油渣是自家炸的

其他差不多吧

好吃的噢

材料

油渣  冬菇  菜甫  蔥各適量  上海麵一個

做法

1. 冬菇預早浸發洗淨，咯加調味煮約20分鐘
2. 油渣用滾水煮一下至軟瀝乾水備用
3. 上海麵用滾水煮至軟硬適中，沖水備用
4. 菜甫洗淨擠乾水切細，蔥洗淨切碎
5. 燒滾上湯，加入上海麵及冬菇煮至麵入味
6. 加入油渣略煮，加入菜甫熄火加蔥花

雲吞

我家中常有雲吞儲備

隨時餓了可以煮碗雲麵

諗唔到餸煮雲吞雞

有時買咗豬肉未有機會食

整咗雲吞放冰櫃

就唔會浪費啦

包好放冰格雪硬

然後分成小包

放入冰格隨時取出食用

醃醎雞蛋

鹹鴨蛋隨時買得到

但鹹雞蛋就很難買了

見到如心師兄醃鹹蛋好容易

我就要學習喇

第一次先做六隻試下

師傅說要醃四十天

醃好放埋一邊等

今天偷看一下

見到一隻有點濕濕的

忍唔住打開睇下

嘩

好靚呀

與我端午節包糉的鹹蛋黃一樣呀

成功了

多謝如心師兄
請看如心師兄的高貴做法

  

材料

雞蛋   米酒   幼鹽

做法

1. 雞蛋洗淨抺乾水
2. 沾上米酒，滾上鹽，用保鮮紙包好
3. 放在陰涼處等待40天

我只醃了36天，意外地打開一隻，已經完美了

下午茶

有客人到訪

在家做個下午茶

當然要做快捷妥當

閉著眼睛也可以做出來的

蛋糕和曲奇

加杯即溶咖啡也不錯噢

 

蛋糕請看：花紋清蛋糕

曲奇請看：杏仁曲奇