雪櫃仲有南瓜
整個南瓜批
網上食譜花多眼亂
信自己
用我的蛋撻皮做皮
餡料最簡單的只加了南瓜
又幾好食噃
材料 (8吋甩底模)
皮料 牛油100克 糖霜50克 雞蛋30克 低筋粉160克 雲喱拿油少許
餡料 南瓜250克 細砂糖40克 雞蛋1隻 鮮忌廉125克 玉桂粉1克(可省略)
做法
- 牛油切成細粒，皮材料全部搓勻成麵糰，保鮮紙包好放雪櫃20分鐘
- 用保鮮紙夾住碾薄，按入批模，用叉篤洞，加牛油紙，放上豆
- 預熱焗爐180度焗10分鐘，取出牛油紙和豆，再焗5分鐘
- 南瓜去籽去皮切小塊，大火蒸約15分鐘，壓成泥，加入砂糖拌勻
- 加入雞蛋、忌廉拌勻，倒入批皮約8分滿
- 170度焗約20-25分鐘至餡料微微漲起
- 出爐放涼，出模切件
各家爐火有異，請自行調節
牛油要保持冰凍，切細，用手指的熱力與其它材料混和便可
請問放上豆有乜作用呢？
回覆刪除責住底部，否則焗時會拱起，底部不脆。其實是任何重物都可以，豆比較方便找到，可以循環使用。
刪除唔該曬。
刪除不必客氣。
刪除第一次整好靚喎！翠兒巧手冇難度，我鈡意你喱個蛋撻皮下次要跟你這方法做，食譜正合時因為感恩節快到有聚餐，一般都有南瓜派做甜品，多謝你的分享
回覆刪除我這個撻皮，香脆可口的，我做蛋撻、椰撻都用佢，有剩印模就是曲奇。希望你都鍾意啦。大批我先焗個皮，保障脆度，4吋以下直接加餡焗可以了，但要放焗爐下層，批底才會脆。
刪除多謝你詳細講解👍我一定會試做
刪除不必客氣。
刪除作者已經移除這則留言。
回覆刪除唔好意思重覆留言所以冊除
刪除焗得好靚。今年我都唔見有南瓜pie 賣。
回覆刪除多謝！有一說感恩節才吃南瓜批呢。
刪除好靚的南瓜批，原來要責住底部，多謝分享。
回覆刪除謝謝讚賞！不必客氣，大批我先焗個皮，保障脆度。
刪除