海參鮑魚炆冬菇
不常吃
例入宴客菜式
依家有急凍海參
有罐頭即食鮑魚仔
本來很麻煩的菜式變得很容易
這是農曆新年第一次聚會的其中一道菜
好味
之後第五波疫情嚴峻
一直沒有再聚餐了
記下做法
否則下次唔識煮了
材料
浸發海參450克 浸發冬菇(乾貨75克) 即食罐頭鮑魚12隻
薑、蒜、乾蒽、青蒽各適量，火腩少量
調味 豉油、蠔油，糖，鮑汁適量
做法
- 水適量，加入薑、蒽、酒，加入海參，水滾計煮5分鐘，撈起沖水洗淨切件
- 燒熱鑊加少許油，爆香薑蒽讚酒，加入滾水，豉油、糖、蠔油適量，少量胡椒粉，加入海參煮約10分鐘連汁盛起
- 起鑊落油，爆香薑，乾蒽、蒜，加入火腩、冬菇爆炒讚酒，加滾水適量，加入鮑魚汁、豉油、糖、蠔油，煮約10-20分鐘，試味調味，加入海參(煮海參的料頭和汁不要)煮約10分鐘，加入鮑魚煮1分鐘，看汁的濃稠度加適量生粉水或不加
- 上碟或上煲仔
海參是用乾海參自己浸發的，發起大約有5倍重量，可先發好放冰格
冬菇上一晚浸，洗淨浸過夜，第二天早上煮約20-30分鐘，也可發好放冰格隨時可用
以前，母親會發花膠海參，一家人都有口福，輪到我就懶惰，愛吃不愛煑，我的家人沒有口福啦！
回覆刪除以前海味樣樣都要自己發，依家有急凍賣，方便好多。
刪除現在超市有急凍海參，和急凍的鮑魚仔。隔晚浸定冬菇，煮起來就方便得多了。
回覆刪除對呀！發海味需時，依家有急凍的賣，方便好多。
刪除呢個餸好味
回覆刪除我連海參都買急凍，海參會差小小，但方便呢！
好味架，依家大部份人都買急凍，隨時可以煮，好方便。
刪除好吸引呀！睇見都想食，我都係一次過發定D海參，放在冰格
回覆刪除謝謝讚賞！發海味需時，有空發定放冰格，隨時有得用好方便。
刪除