過去一兩年時興古早味蛋糕
屋企附近有間要排住隊等出爐買
最近已經拍烏蠅賣半價
我都有一年多沒有做過了
家中有可可粉快到期
整返個朱古力味試下
用回自己的原味食譜
只是加了可可粉加多一點牛奶
效果都不錯噢
材料 (6吋方盤)
雞蛋3隻 牛油50克 牛奶60克 幼砂糖50克 低筋麵粉50克 無糖可可粉20克
做法
- 麵粉加可可粉過篩備用，雞蛋分開蛋黃和蛋白
- 牛油加牛奶用熱水坐溶，一次過倒入麵粉中，用手拂攪勻，再倒入蛋黃攪勻
- 蛋白略打至起大泡，一次過倒入糖，打至八成發
- 麵糊一次過倒入蛋白霜中，用橡膠刮刀拌勻
- 倒入已墊上焗爐紙的焗盤抺平面，在桌面摔兩下振出氣泡
- 坐室溫水，放入已預熱150度之焗爐，下層
- 先焗15分鐘表面略上色，降至140度焗45分鐘
- 出爐即撕開紙，可趁熱切開食用，也可放涼才切
溫馨提示
請用焗爐溫度計測出自己焗爐的實際爐溫
我家焗爐偏細，放中間層容易燶面，所以我放下層
通常食譜坐滾水或熱水，但我覺得用室溫水比較適合我家焗爐
預熱的焗爐，放入室溫水加上麵糊，熱風對流，爐溫明顯下降
我家焗爐是預熱200度先焗15分鐘，降至185度再焗45分鐘，蛋糕全熟表面金黃
各家爐火有異，請自行調節
你做得個面好滑溜好靚。
回覆刪除謝謝讚賞！
刪除好有專業水準。
回覆刪除我買過街舖的，都幾貴。
過獎過獎！街賣貴架，不過好大舊。
刪除你整蛋糕質感又棉滑又細緻👍無得彈！自己整可可粉味好香，出面賣好多都偷功減料
回覆刪除謝謝讚賞！做生意要計算成本，自己做當然可以落足材料。
刪除嘩，焗到滑滑的表面，好靚！
回覆刪除謝謝讚賞！這個蛋糕麵糊比較稀，自動好平滑了。
刪除我學過整麵包，整得好唔係咁容易。若整到好似街上售賣一樣，要好高技巧。你整啲蛋糕，具專業水準。
回覆刪除謝謝讚賞！一開始一定有困難的，只要堅持，賞試，自己總結經驗，就可以做到理想的效果，可以比一般店舖賣的好吃。跑馬拉松也是一天一天練回來的吧，我練習西餅麵包有十年了。
刪除兩者比較，我覺得跑馬拉松容易過整西餅麵包。
刪除哈哈哈！如果要我跑十公里，可能跑到嘔。
刪除