煮咗幾十年飯
如果話我唔識蒸排骨
好似有點不合理
事實上有時蒸出來的排骨
未如理想
看見英國網友的網誌
無論豬扒排骨都做到十分美味
我先用凍骨練習下豉汁蒸骨
出奇地好吃
材料
急凍排骨300克
醃料
鹽1/4茶匙 糖1/2茶匙 酒、胡椒粉、少許 生粉1茶匙 生油適量
醬料
豆豉1茶匙 蒜蓉1粒 紅椒幾圈 糖1/2茶匙 桂林辣椒醬少許
做法
- 排骨斬碎解凍洗淨，加入1/2茶匙梳打粉，加水浸過面浸約30分鐘
- 倒去水，再沖水洗淨，瀝乾水、再用廚房紙吸乾水份備用
- 排骨加入醃料，醃一小時或以上
- 燒熱鑊加油約1湯匙，慢火加入豆豉和蒜蓉炸至金黃色，盛起加入糖和辣椒醬拌勻
- 加進已醃好的排骨拌勻，加上紅辣圈
- 水滾落鑊大火蒸約10-12分鐘
家中有小朋友的可以不加辣椒醬和紅椒圈
嗜辣的朋友可以加多點辣椒醬和紅椒圈
豉汁蒸排骨好味，不過好難買到靚排骨。
回覆刪除我都覺得蒸排骨撞彩，排骨好貴，好多時蒸出不好吃，好唔抵。
刪除我至愛豉汁蒸排骨。 我哋唔會買冰肉架，食就要食新鮮。
回覆刪除我地的活豬基本上是大陸供應和少量本地豬，無你地咁多選擇。
刪除百多蚊斤排骨，都未必好食呀。
嘩！依家D豬肉咁貴。我都唔捨得食。 香港可以買到各國出品的靚豬肉，選擇又多，唔洗硬食貴野。
刪除買各國靚豬肉，要去凍肉舖才有得賣。
刪除呢碟豉汁蒸排骨，每隔一星期我都會煮嚟食呀!
回覆刪除我家仲有梅子蒸排骨，都好受歡迎。
刪除我未用過梳打粉，祇知道酒樓餐館會用，有梳打粉醃過的肉類一定很腍滑，豉汁蒸排骨是很受歡迎的菜餚。
回覆刪除酒樓一定用梳打粉，醃完啤返水，又淋又滑，無梳打粉味。
刪除翠兒：這味餸我又係撞手神有時蒸得好食有時又不如理想我，見你蒸得好靚好似茶樓賣的顏色白白地我很喜歡，所以我還要多多練習吓啦！
回覆刪除我買排骨回來，用水浸下佢，出咗D血水，減少豬氣味。酒樓一定啤水到白雪雪。
刪除