鳳梨酥2

中秋節前親友聚會

我決定用鳳梨酥做手信

之前做過練習

家中的試食官認為有改善空間

所以皮料略作調整

餡料是新鮮菠蘿自己炒的

再試食覺得滿意了

開始量產

親友吃過也讚呢

多謝

 

紅豆沙湯圓

昨天是中秋節
應下節

飯後甜品做了紅豆沙湯圓

煲了紅豆沙

沒空搓湯圓

買現成的寧波蔴蓉湯圓

好吃

材料
紅豆四両  糖適量  陳皮一角  湯圓24粒

做法

1. 紅豆洗淨用清水浸(有時間浸耐D，冇時間直接煮)
2. 清水適量，凍水落紅豆陳皮煲至豆起沙
3. 加入適量糖煮溶，加入適量粟粉水(約一湯匙粟粉二湯匙水)
4. 滾水加入湯圓煮至浮起再煮幾分鐘撈起過冷河
5. 撈起湯圓放入紅豆沙煮至番滾便成

蒸藕粉

冇乜新煮意

食下舊時母親常做的菜

蒸藕粉

蓮藕洗淨去皮

然後磨成粉加點調味

蒸熟加豉油熟油便食得

以前用沙盆現在用薑磨

加點調味加少量鯪魚膠攪勻

蒸約十五分鐘

蓮藕太好粉要加點水

以前亞媽買藕尾平D冇乜粉不用加水

這裡一節藕約十二両加了約四湯匙水

水少或魚膠太多蒸起太硬不好吃

要有軟糯的口感才好吃

可以加點芫茜蔥一起蒸

喜歡香口的朋友可以用煎的方法

請看煎藕餅

栗子炆雞

我喜歡食栗子

通常用來煲糖水煲湯

炆雞炆鴨也是不錯的選擇

今次是炆去骨雞肶

香噴噴啖啖肉

鳳梨酥

想左好耐整鳳梨酥

一開始吾捨得買模

買左十個模又放左一年多

不可再懶惰喇

先去買包現成的餡料

跟高Ling食譜整左十二個

又真係幾好食喎

詳細做法請看鳳梨酥

  

茄汁雞翼

近日天氣太熱

吾多想出街

雪櫃拎幾隻雞翼解凍

一般調味醃一醃

略炸一下

用喼汁茄汁糖醋加點水

煮個汁加入雞翼略煮

酸酸甜甜的好開胃

蒸茄子

蒸茄子

小時候覺得非好吃的一道菜

做法很簡單

茄子洗淨

滾刀法介幾刀

然後蒸熟

用筷子篤開

加少許鹽糖

淋上豉油熟油即成

茄子介好要放入清水浸一會
蒸約十分鐘即成
先倒去水份
才加調味
用自家製豬油更美味