酸梅豬手

年菜通常都有豬手

我本來準備整話梅豬手

可惜家裡沒有話梅

酸梅就很多

試下用酸梅睇下效果如何

又真係幾好味喎

做法同話梅豬手大同小異

一碟是半隻份量

材料

豬手1隻(2斤以上)  薑適量

調味料

酸梅4粒  生抽3湯匙  老抽2湯匙  鎮江醋3湯匙  冰糖75克  黃片糖適量

做法

1. 豬手出水洗淨瀝乾水備用
2. 薑去皮切厚片，酸梅沖水去核
3. 燒熱鑊加油，爆薑，下豬手爆炒讚酒
4. 加清水浸過豬手，加入調味料
5. 煮滾後收至最慢火煮約45分鐘，開大火收汁至濃稠(約15分鐘)

酸梅和糖的份量請自行調節

喜酸的朋友可加點白醋

可以用片糖或砂糖代替冰糖

調咪料按豬手的大小加減

恭喜發財

恭喜發財

煎堆碌碌

金銀滿屋

祝各位網友

豬年大吉

身體健康

財源滾滾

萬事如意

釀節瓜

沒空寫網誌

不久前打開網誌

見到一文字方塊

大慨意思是太耐冇用

可能要永久取消

......

沒細心去看

要取消我也沒辦法

食物每天都有整

只是沒空去整理

或者天天是清蛋糕白糖倫教糕

大家都睇到討厭啦

節瓜落造開始貴了

跟五味軒做個釀節瓜吧

  

材料

節瓜2個  梅頭豬肉絞碎

做法

1. 節瓜去皮，橫切成段，放入清水中煮約10-15分鐘
2. 沖凍水，去掉中簡的瓤
3. 豬肉加調味攪至起膠
4. 節瓜環釀入豬肉
5. 兩面煎至金黃色盛起
6. 蒜頭起鑊，加入煮節瓜的水，加調味放入釀節瓜
7. 水不夠加至適量，大火煮至豬肉熟，加少量生粉水上碟

題外話：買咗芫茜好快燶晒，用紙巾濕水包住根部然後放膠袋，再在放雪櫃門，可以保存多天依然新鮮

炆牛肋條

天氣開始涼

想起做點炆餸

以前去牛肉檔買牛腩

近年變得好貴

去凍肉舖買牛肋條

又幾抵食喎

這美國牛肋條唔肥又好快腍

加個蘿蔔已經很美味了

咖啡合桃曲奇

整餅來來去去都係差不多的材枓

只是左搭右搭

希望有點新鮮口味

今次試下合桃咖啡

好香咖啡味

試食官反應不錯

製作方法與杏仁曲奇大同小異

材料
牛油8安士(一件)  糖150克  雞蛋1隻  即溶咖啡粉6茶匙  滾水4茶匙 
低筋麵粉360克  合桃150克

做法

1. 合桃用170度焗約15分鐘，略切碎
2. 麵粉篩過備用，即溶咖啡加入滾水攪溶
3. 牛油室溫放軟，加入糖霜打發，加入雞蛋、咖啡打勻
4. 加入合桃碎及麵粉拌勻，放入已加保鮮紙的方盆，上面加保鮮紙壓平約一吋高
5. 入雪櫃約2小時後切成條狀，再切成厚片
6. 預熱焗爐180度焗約20分鐘，至兩面金黃色

各家爐火有異，請自行調節

鮮茄豬扒

睇電視廚藝專家煮美國黑豚梅頭扒菜式

我也去買了一包回家

之後放入冰格

本來想跟著試下

但已經忘記當時點煮

唯有照自己平時的做法食了算

做了鮮茄豬扒也好吃噢

油渣麵

以前住大角咀

早上經常去英記買油渣麵給囝囝做早餐

我開始買時大約七蚊一碗

之後慢慢加價

後來買是十蚊一碗

在洋松街一個樓梯底

由兩個女人經營

街邊只放了一張枱

很好生意的

到中午接放學經過

時常見到一些大叔在喝酒吃麵

後來舊區重建

聽講買了舖位

生意更好

有明星專程開車去幫襯的

我家間中會炸少量豬油

自然有靚靚油渣

今次突然想起油渣麵

我根據以前看見英記放在桌面的配料

略加修改

英記用冬菜但我家怕大蒜味改用菜甫

當然我的冬菇比佢靚

油渣是自家炸的

其他差不多吧

好吃的噢

材料

油渣  冬菇  菜甫  蔥各適量  上海麵一個

做法

1. 冬菇預早浸發洗淨，咯加調味煮約20分鐘
2. 油渣用滾水煮一下至軟瀝乾水備用
3. 上海麵用滾水煮至軟硬適中，沖水備用
4. 菜甫洗淨擠乾水切細，蔥洗淨切碎
5. 燒滾上湯，加入上海麵及冬菇煮至麵入味
6. 加入油渣略煮，加入菜甫熄火加蔥花