早前去買洗頭水沐浴露
送左兩樽生抽畀我
食到發霉都未用得晒啦
要想下辦法用得快D
整豉油乳鴿
先用幾隻雞翼試下個味先
又幾好味喎
材料
生抽400克 老抽50克 冰糖200克 滷水200克 玫瑰露酒50克 滷水料適量
雞翼適量 薑、蔥、酒各少許
做法
雞翼解凍洗淨備用
清水加薑、蔥、酒煮滾加入雞翼飛水，沖水備用
清水適量加入滷水料大火煲滾，收細火煲約30分鐘成滷水
生抽、老抽、滷水、冰糖一齊煮至糖溶加入玫瑰露酒
雞翼加進豉油汁煮滾收細火煮約5分鐘熄火，浸約30分鐘
上碟食用
各種牌子豉油鹹味有別，各人口味不同，請自行調節糖的份量
翠兒：你係點樣設定，google+同回應都出到全名呀？我整錯咗而家改吾到呀！
回覆刪除我仲未加回應呀，你去我上一篇大腸包最後有卜友回應，有教我整最新回應出到全名和頭像，不過我仲未得閒整。我睇過下，你要先取消左依家個，整過就得架喇。
刪除係邊到改？我喺Google+上面條橫額自已頭像填，但要分姓分名，出嚟會變咗味軒五，而且改極到話暱稱違反了《Google+ 名稱政策》
刪除我誤會左添，喱樣我都吾識，我都希望只用翠兒個名，吾想加多個姓。
刪除Hi, 翠兒, 雞翼D色好靚呀! 是否一定要加老抽上色呢?
回覆刪除又多謝來舊卜探我!
雅虎卜突然無晒D卜友, 好彩妳來,才搵到妳咋!
好開心見到你呀！謝謝你黎探我！我想搵下你搬左去邊呀！
刪除多謝讚賞！我覺得加點老抽好色D，但吾好太多呀，太深色又吾好睇架。
我家至愛呀！
回覆刪除至愛就快D整喇！
刪除翠兒：你整D雞翼顏色好靚呀！
回覆刪除多謝惠惠！我吾鍾意太深色，只加少少老抽。
刪除嘩，色澤好靚、加隻指天椒...開罐啤酒....
回覆刪除唔該，成碟比我試得哪！
多謝師姐！吾記得放隻指天椒去影相添！
刪除喱碟就係留返畀你試味架。^^
好滑既雞翼， 顏色校得好靚！ 買洗頭水送生抽咁有趣既？ 吃過太x館馳名的瑞士雞翼， 真感到大失所望！ 不會再去了！
回覆刪除多謝！係呀，都幾有趣，今期送即食麵。
刪除吾使去街食喇，雞翼自己整都好易咋，而且食得放心。
我見過街市油雞檔成排雞翼放落滷水礃，未解凍冇洗架。
我未見過有呢啲贈品啊!
刪除當然自己做乾淨得多! 有冇搞錯? 沖都唔沖下就咁放落去, 好彩比妳發現到!
星期五去萬寧買100蚊左右就有野送喇。
刪除Yummy Yummy !
回覆刪除多謝年青人！聽日跑馬拉松嗎？加油呀！
刪除吾好意思記錯左添，聽日係維港渡海泳；你係11月23日才跑馬拉松，聽日係備戰練跑啫，都要加油呀！
刪除真好，能夠搵番你
回覆刪除多謝月姐黎探我！
刪除我仲未裝修好，又未搬過黎，你就好啦，有私家網址。
我個電腦有問題,覆唔到你既留言黎你度亦留唔到言,而家要係舊blog寫左copy過黎架!
回覆刪除我自己都好有問題，去探你地有時盪失路去吾到架。
刪除咁有趣舊卜就寫到新卜寫吾到？