酸梅鴨是我家的招牌菜
鴨肉又香又野味
大酸大甜加上薑的香味
真係回味無窮
何為秘製
因為用自家製酸梅
鴨肉又香又野味
大酸大甜加上薑的香味
真係回味無窮
何為秘製
因為用自家製酸梅
見到大大隻的冰鮮鴨又吾肥
梗係整返隻食啦
梗係整返隻食啦
光鴨 1隻 (約4斤)
酸梅 4両
薑 6両
片糖 適量
另飛水用薑蔥及酒少量
做法
- 光鴨洗淨、酸梅沖水去核、薑去皮拍一拍切厚片備用
- 滾水加入薑、蔥、酒,放入鴨飛水,撈起趁熱塗上少量柱候醬(上色)
- 燒熱鑊加入約4湯匙油,放入薑片爆香撈起
- 放入鴨兩面煎至金黃色盛起,油另盛起或棄掉
- 約1/4茶匙鹽放入鴨肚,酸梅、片糖(約三片),各一半放入鴨肚內
- 薑片部份放鴨肚內,鴨放薑片上,加足夠的水(好似煲鴨湯)
- 大火煮約1小時,中途要反轉,後半小時要小心睇火,好易燶
- 最後15分鐘要試味,加足夠的糖,鴨腍先盛起,開大火收汁至濃稠,不用打獻
- 放涼斬件上碟,淋上汁液便成
小貼士
- 酸梅一定要去核,否則會苦
- 鴨要選有肉無油,不要太肥太大隻的較好
- 按鴨的大小增加酸梅的份量,酸梅本身很鹹,小心加鹽
- 一定要試味,加足夠的糖才好吃,如果試味發現酸味不足可用兩手指加少量鹽
好吸引呀~ 我亦買咗鴨, 但仲考慮用乜嘢調味料!! ???
回覆刪除鴨都買咗咯,不如試下喱味啦!^o^
刪除原來上色係用柱候醬,我用老抽,收到喇!多謝翠兒!
回覆刪除妹姐客氣喇!用老抽都可以架。
刪除您呢個餸簡正一流,我學咗您的方法整,非常好味,特別是D薑,我食薑唔食鴨呀,好似您以前嘅方去啱我呢個懶人喎,he~he~
回覆刪除真係好好味,D薑會好快畀人食晒,D汁都吾放過架,要煮多D飯架。
刪除燉的方法比較方便,煮就更加濃味,不過要睇火。
酸酸甜甜,我鍾意食呢個鴨呀!
回覆刪除真係好好味架!我都鍾意。
刪除我上次整咗半隻唔夠食,下次我要整成隻先得呀!
回覆刪除你屋企咁多人食飯,半隻真係唔夠架,快D整過一隻啦!
刪除點解唔請你家老爺斬鴨呀?佢斬完有錦上添花之效呢!
回覆刪除哈哈!喱D粗重工夫我做得喇!^o^
刪除酸酸甜甜好醒胃,下次買隻鴨整下。
回覆刪除好好味架惠惠,喱輪D鴨有肉冇油,好正呀!
刪除嘩, 色澤好靚, 我流口水了。
回覆刪除多謝!仲好好味道添!
刪除酸梅都係自己醃漬,這道菜一啲都唔簡單呢!
回覆刪除多謝愛美麗!街賣的酸梅通常都好鹹,所以我每年清明前後都自己醃酸梅架。
刪除我終於回來了! http://littlemimilandhk.blogspot.hk
回覆刪除哈!你返黎喇?雖然一切都由頭開始,樣樣順利,你好開心喎!^o^
刪除翠兒,
回覆刪除不如教埋我地醃酸梅吖! 出面賣嗰D真係好鬼鹹架!
好呀,你去我舊屋睇住先啦,等我得閒搬一篇醃酸梅黎跟尾。
刪除睇到喇! 嘻嘻...一見到D梅就流口水添!
刪除~我又黎食啦!好耐無見喔!^^
回覆刪除好開心我地又做街坊喇!快D開工炮製美食啦,我好心急學習你的出品呀!
刪除翠兒好似大廚!勁^^
回覆刪除多謝Allie!你過獎喇!翠兒只是似煮婦咋!^o^
刪除做冬煮喱個餸先, 個個一定添飯喇 ! 多謝翠兒的美味分享。 ^^
回覆刪除吾使客氣呀芹菜,煮喱個餸記煮多D飯呀!^o^
刪除酸酸甜甜一定好好味,
回覆刪除等我 mark 低個食譜先 ^^
好味架,試下啦!^o^
刪除睇你呢篇網誌,真係好難頂,啲口水流到唔停得!
回覆刪除哈哈!真係吾好意思!
刪除好難頂,啲口水流到唔停得!我都有同感!
回覆刪除哈哈!多謝陸姑娘捧場!
刪除