泳池重開
七月份有康體游泳班
我有幸抽中簽
上課完畢大少留言回家吃午餐
直去街市見到好大隻花烚
以前寫錯咗花甲
買一斤回家豉椒炒
隔咗好耐無炒要上自己網睇食譜
一樣美味吃得滿足
只是用錯圓碟裝得太滿不好看
材料
花甲一斤
料頭
薑蓉、蒜蓉、乾蔥蓉、豆豉各一茶匙，紅椒一隻切碎
調味料
豆瓣醬、 桂林辣椒醬、蠔油、老抽各一茶匙 糖2茶匙 酒約一湯匙
做法
- 先讓花甲吐沙，洗淨瀝乾水
- 燒滾水，落花甲攪勻，開口即夾起，最後有不開口的棄掉，留起一碗水
- 燒熱鑊下油，炒料頭，下花甲炒勻讚酒
- 加調味料快炒，加入煮蜆水適量，煮滾埋獻上碟
夠冶味，我喜歡！
回覆刪除蜆有種獨特的味道，我都喜歡。
刪除好吸引呀，請問事前你係點處理的，我都好鐘意食呢Ｄ甲彀類的，但試過有一次，炒時其中一隻有很多黑色沙吐出，成鑊都係，要全部掉，唔敢再買了。
回覆刪除多謝小月！我搬咗個食譜過來。我比你做多一個步驟，洗乾淨之後飛一飛水，水滾落蜆，不要加蓋，金睛火眼睇住，邊隻開口即夾起，到最後你挾起的一定唔會有砂。之後快炒，不要炒過火，D肉唔會甩出來。
刪除原來咁，謝謝您的指導，我可以再買來試下了，我真係很喜歡食的，以往都係去相熟的檔買，未試過有砂，之後那檔口結業，買了一些有砂，之後便不敢買了。
刪除小月不用客氣，大家研究，喜歡食一定要試下。
刪除好看又好吃呀！～EEChan
回覆刪除多謝EE，炒蜆真係好冶味好吃呀！
刪除