喱個椰蓉包我好鍾意架
好味好好食是其中一個原因
更是我第一次跟書成功做到的麵包
當然要間中整黎食下啦
依家隨意用自己的配搭一樣好味架
材料
A 牛奶140克 雞蛋1隻 砂糖60克 鹽2克 高筋粉300克 奶粉8克 依士4克 牛油25克
B 椰蓉100克 砂糖70克 軟牛油30克 蛋液30克
另外小量蛋液掃面及掃上蛋液才放餡料
- 材料A按順序放入麵包機，按功能8完成麵糰發酵
- 材料B全部攪勻成餡料
- 麵糰排氣，分成10等份
- 包入餡料卷好排入焗盤
- 蓋上保鮮紙，發酵完成掃上蛋液
- 放入預熱190度之焗爐，焗約20-25分鐘至金黃色
詳細做法請看http://weshare.hk/129shuen/articles/1702646
各家爐火有異，請自行調節
超正……我好中意買呢隻椰蓉包黎食，得閒跟你食譜整下先……謝謝你分享食譜先 ^^
回覆刪除真係好好味架，吾好再買喇，快d整啦！吾使客氣。
刪除早晨翠兒:咁早有包包食,我吾客氣啦!哈哈!
回覆刪除惠惠吾使客氣，新鮮出爐，趁熱食啦，好味架！
刪除Hi，好耐冇上網，剛見到你D包包正好是午飯時間，真想食番2個Tim。想问包包机買什麼牌子好呢？
回覆刪除多謝小魚，吾使客氣，請隨便食啦！
刪除我個麵包機係平價貨，億世通，我通常只用佢打麵糰發酵，都幾好用架。當然貴價牌子的功能一定全面d和效果有保障。
多謝翠兒分享椰絲包食譜, 我們全家都鍾意食架, 出面的包, 好食的愈來愈貴, 自己整正好多!
回覆刪除多謝愛Shi！吾使客氣，好野梗係要大家分享，希望你都鍾意啦！
刪除我已經好耐冇幫襯麵包舖喇，自己整果D包仲好食呀！
我隱約聞到啲香味..........
回覆刪除好犀利呀！咁遠你都聞到。^o^
刪除你焗的包顏色很均勻啊。
回覆刪除請問你用這焗爐焗包/蛋糕是否也會開熱風對流呢？
中途是否需要打開焗爐將焗盤拿出來前後對調位置呢？謝謝。
謝謝到訪！謝謝讚賞！
刪除對呀，新焗爐有熱風對流，開左顏色均勻D。
中途我會將焗盤前後對調一次，因為玻璃的反射不及鐵版。
請問你的椰蓉包，怎能保持每個都四四正正呢？
刪除我做的經過最後發酵後，總是東歪西倒的！個個向不同方向發展呀 :(
我都經常有發酵後東歪西倒的現象架，做包時麵糰盡量厚薄平均一些，就比較四正一點，多點練習啦。^o^
刪除謝謝你呀。你是將麵團用手拍成長條形，還是用麵棍搌長呢？
刪除剛剛發酵完成的麵糰軟綿綿的，我覺得用手拍成長條形比較方便。
刪除好靚呀！我鍾意食甜包，等得閒跟你做。
回覆刪除多謝軒軒！喱個包又香又好味，得閒試下啦！
刪除師姐, 椰蓉包除了好味, 還有情意結啊!
回覆刪除真係咩焗爐也跟你配合得天依無縫,
若我係生產商, 一定搵你做代言人 !
多謝師姐！以前真係諗都冇諗過可以在家做到如此美味的麵包。
刪除焗爐係死物，一定要就晒佢，咁就OK架喇。
咁你快D做生產商，搵我做代言人啦！^o^
翠兒：您焗得好靚呀，口水流到一地都係了，呢款包我都有整呀，我都係跟書，但我就唔識變通喇。
回覆刪除多謝小月！你整D包都好靚吖，吾使流口水喎。
刪除我一開始一定跟足書本整，都已經好食架，後來跟自己食譜只是水份改左用牛奶，液體比例大D，一樣成功，就更加軟熟。
呵呵！翠兒，來兩打！
回覆刪除多謝雨大俠！即刻焗兩打新鮮出爐畀你！
刪除噢! 遲咗添~
回覆刪除嗚嗚.....下次留兩個吖....唔該！ 嗚嗚....
刪除雨大俠真係識講笑！人家利夫人做的麵包不知幾靚！
刪除遲咗咪即刻開爐囉！
我都好鐘意食。隔夜的都要, 有無呀 !?
回覆刪除邊有得隔夜吖，焗過爐新鮮出爐既請你食啦！
刪除嘩~睇到都香噴噴呀!
回覆刪除多謝高Ling！真係好香架！
刪除