買了新焗爐
為了日後出品的質量保證
真的樣樣都要試下先
有點不太愿意用來燒烤
揀樣比較乾淨的來試
烤豬頸肉就最啱喇
材料
豬頸肉2-3件
調味料
海鮮醬、叉燒醬、砂糖各一湯匙 鹽1/2茶匙 玫瑰露酒1/2湯匙 油少許
調味料
海鮮醬、叉燒醬、砂糖各一湯匙 鹽1/2茶匙 玫瑰露酒1/2湯匙 油少許
蜜汁
砂糖、麥芽糖、水各一湯匙座水煮溶
做法
各家爐火有異，請自行調節
我家焗爐屬超低溫，所以開至最高溫
焗爐的時間制和溫度制，我只能當佢係一個刻度
做法
- 豬頸肉洗淨瀝乾水
- 調味料全料倒入盆內拌勻
- 放入豬頸肉醃3小時或以上
- 預熱焗爐熱風對流上火240度
- 醃好的豬頸肉放於網上
- 上層每面烤10分鐘，降至200度，掃上蜜汁每面烤5分鐘
- 修去烤焦部份，切片上碟
- 醃肉的汁加上剩餘的蜜汁，加點水煮滾就成美味的汁
各家爐火有異，請自行調節
我家焗爐屬超低溫，所以開至最高溫
焗爐的時間制和溫度制，我只能當佢係一個刻度
D 邊燶燶地，好正呀！
回覆刪除多謝多謝！真係好香呀！
刪除焗得好香.流口水添.
回覆刪除多謝惠惠！使乜流口水吖，一齊食啦！
刪除烤肉用光波爐好D , 焗爐難清潔, 中途又難看清楚效果, 不過就好阻地方 !
回覆刪除你講中左呀！我屋企邊有地方放咁多架生吖，焗爐用完都要入番紙皮箱架。
刪除任何焗爐, 對師姐的出品都唔會有影響, 一樣咁正 !
回覆刪除( 擦哂鞋....扺請我飲啤酒啦....哈哈 ! )
師姐，吾使擦鞋啦，坐低一齊啦，飲杯！有冇睇世界杯呀？
刪除世界杯裝啤酒係咪好飲d 架? 問問周公先 !
刪除( 咁啱嘅, 我個焗爐都係住係紙皮箱架 ! )
睇嚟你同個爐已經friend咗囉噃!
回覆刪除哈哈！我就晒佢咪得囉！
刪除翠兒姐~每次到訪都來一個驚嘆,只不過次次來去匆匆未能.....,在美加唐人超市比HK超市更多外省~柴米油盬~多年前買了包~紅粬~做了很多實驗,.......其中用來醃廣東燒味(除了燒肉),效果真是~驚天~食譜是~~紅粬打粉+您的食譜減一半以上叉燒醬加蠔油
回覆刪除(因用了~紅粬粉~後會覺得叉燒醬又貴又不好,我會用完後不再買,因它也是紅粬做),當您醃....中已經聞到~~~香~~香~~連我個敏感鼻,食了中醫開3天成藥也能打通~聞~到~~~哈哈
HK仔也說:亞姨~~....真正叉燒
其實我以前醃燒味都吾鍾意用現成的一樽樽醬料，有時D後生怕麻煩，咪試下簡單方法，又真係方便好多。
刪除Maggie姐出品，連HK仔都話正，真正叉燒當然好食過街貨啦！
紅粬粉是怎樣的, 我去超市找不到.
刪除好靚嘅豬頸肉，焗爐真係吾駛買噉貴，點洗都係有積，貴爐真係吾捨得焗肉。
回覆刪除多謝軒軒！真係好怕洗爐，只有把心一橫，由得佢污糟，使用律高才抵用嘛。
刪除嘩……豬頸肉系我至愛呀，流口水中……哈哈！
回覆刪除我依家好小食豬頸肉……因聽我朋友講豬打針好多時都系系豬頸肉位置附近落針，唔多唔小都會積聚d毒素，唔知真定假，我知道之後都好小買黎食，為健康著想真系小吃為妙！
謝謝提醒，其實我都好少食豬頸肉架。
刪除