2014年6月14日 星期六

烤豬頸肉

買了新焗爐
為了日後出品的質量保證
真的樣樣都要試下先
有點不太愿意用來燒烤
揀樣比較乾淨的來試
烤豬頸肉就最啱喇

 
 
 
 
 

 
 
材料
豬頸肉2-3件 
調味料
海鮮醬、叉燒醬、砂糖各一湯匙  鹽1/2茶匙  玫瑰露酒1/2湯匙  油少許
蜜汁
砂糖、麥芽糖、水各一湯匙座水煮溶
做法
  1. 豬頸肉洗淨瀝乾水
  2. 調味料全料倒入盆內拌勻
  3. 放入豬頸肉醃3小時或以上
  4. 預熱焗爐熱風對流上火240度
  5. 醃好的豬頸肉放於網上
  6. 上層每面烤10分鐘,降至200度,掃上蜜汁每面烤5分鐘
  7. 修去烤焦部份,切片上碟
  8. 醃肉的汁加上剩餘的蜜汁,加點水煮滾就成美味的汁

各家爐火有異,請自行調節
我家焗爐屬超低溫,所以開至最高溫
焗爐的時間制和溫度制,我只能當佢係一個刻度
 
 
 

18 則留言:

  1. 回覆
    1. 多謝惠惠!使乜流口水吖,一齊食啦!

      刪除
  2. 烤肉用光波爐好D , 焗爐難清潔, 中途又難看清楚效果, 不過就好阻地方 !

    回覆刪除
    回覆
    1. 你講中左呀!我屋企邊有地方放咁多架生吖,焗爐用完都要入番紙皮箱架。

      刪除
  3. 任何焗爐, 對師姐的出品都唔會有影響, 一樣咁正 !

    ( 擦哂鞋....扺請我飲啤酒啦....哈哈 ! )

    回覆刪除
    回覆
    1. 師姐,吾使擦鞋啦,坐低一齊啦,飲杯!有冇睇世界杯呀?

      刪除
    2. 世界杯裝啤酒係咪好飲d 架? 問問周公先 !
      ( 咁啱嘅, 我個焗爐都係住係紙皮箱架 ! )

      刪除
  4. 睇嚟你同個爐已經friend咗囉噃!

    回覆刪除
  5. 翠兒姐~每次到訪都來一個驚嘆,只不過次次來去匆匆未能.....,在美加唐人超市比HK超市更多外省~柴米油盬~多年前買了包~紅粬~做了很多實驗,.......其中用來醃廣東燒味(除了燒肉),效果真是~驚天~食譜是~~紅粬打粉+您的食譜減一半以上叉燒醬加蠔油
    (因用了~紅粬粉~後會覺得叉燒醬又貴又不好,我會用完後不再買,因它也是紅粬做),當您醃....中已經聞到~~~香~~香~~連我個敏感鼻,食了中醫開3天成藥也能打通~聞~到~~~哈哈
    HK仔也說:亞姨~~....真正叉燒

    回覆刪除
    回覆
    1. 其實我以前醃燒味都吾鍾意用現成的一樽樽醬料,有時D後生怕麻煩,咪試下簡單方法,又真係方便好多。
      Maggie姐出品,連HK仔都話正,真正叉燒當然好食過街貨啦!

      刪除
    2. 紅粬粉是怎樣的, 我去超市找不到.

      刪除
  6. 好靚嘅豬頸肉,焗爐真係吾駛買噉貴,點洗都係有積,貴爐真係吾捨得焗肉。

    回覆刪除
    回覆
    1. 多謝軒軒!真係好怕洗爐,只有把心一橫,由得佢污糟,使用律高才抵用嘛。

      刪除
  7. 嘩……豬頸肉系我至愛呀,流口水中……哈哈!

    我依家好小食豬頸肉……因聽我朋友講豬打針好多時都系系豬頸肉位置附近落針,唔多唔小都會積聚d毒素,唔知真定假,我知道之後都好小買黎食,為健康著想真系小吃為妙!

    回覆刪除
    回覆
    1. 謝謝提醒,其實我都好少食豬頸肉架。

      刪除