用緊的焗爐服務了八年
最近恒溫器有點問題
運作途中會突然火力全開
一不留心會焗燶野
剛好網購有體積差不多的焗爐
功能合適價錢也很便宜
決定買回來了
試爐當然要先做我家最常做的
效果OK啦
還要與焗爐多些溝通呢
材料 雞蛋5隻(細蛋6隻) 幼砂糖100克 低筋粉100克 粟米油3湯匙 雲喱拿油1/2茶匙
奶60克 鹽少許 檸檬汁少許(可省略)
做法
奶60克 鹽少許 檸檬汁少許(可省略)
做法
- 預熱焗爐180度上下火，低粉篩過備用
- 雞蛋分開蛋黃和蛋白
- 蛋黃加入雲喱拿油、粟米油攪勻再加入奶攪勻，分兩次加入麵粉攪至幼滑，可適當加減少量奶至粉漿成僅可流動為合
- 蛋白加入鹽、檸檬汁略打，分兩次加入砂糖，打至蛋白霜發亮起倒勾
- 取1/3蛋白霜加進麵糊攪至完全均勻
- 麵糊倒入蛋白霜中小心攪勻至完全均勻無白色蛋白粒
- 8吋方盤加入底紙，倒入麵糊掃平面，提起dun一下，震出大氣泡
- 放焗爐中間層40分鐘至金黃色
- 出爐即出模，提起蛋糕離桌面約6吋放手，讓蛋糕自由落體dun一下，放在涼架，涼透才切
溫馨提示
各家爐溫各異，請自行調節。
牛奶可用清水代替
今次用泰國低筋粉效果吾錯
各家爐溫各異，請自行調節。
牛奶可用清水代替
今次用泰國低筋粉效果吾錯
試爐開係，我家焗爐屬低溫，用200度熱風對流40分鐘
中層糕面太近發熱線，中途轉放下層
翠兒：我發覺所有新電器都要和它溝通才能得心應手的，你的蛋糕很靚呀，你一定可以和它合作愉快，順便請教一事，你用麵包机發麵團很靚，我以前是用億世家係很好的，之後壞了，買了樂聲牌，但做了很多次都不成功，係發唔大，之後便用放棄，改用水合法手搓做包，疫情後Ｄ後生少回來吃飯，我都少了整包給他們，祇用麵包機整一個自己食便算，最近上返blog睇見您Ｄ做型包．所以便又用麵包机發麵同樣跟足它的食譜方法．一樣失敗．所以想請問你．它以經發出己發酵完成訊息，但係唔大，用手指插入係０Ｋ的，還要等一發嗎？要等幾耐？之後才做型做二發？人老真長氣了，請勿見怪。
回覆刪除小月早晨！謝謝讚賞！謝謝祝福，假以時日，我想一定會與新焗爐合作愉快。
刪除我們老朋友了，不必客氣，你來同我傾計，開心都黎唔切啦！
講返麵包機，億世家真係好！好明顯佢舊麵糰發完倒出來是暖手的。我之後買過樂信牌，發完未滿桶，凍的。我會等，等到滿桶(個桶同億世家的差不多大細)。做包後第二發我發30分鐘，掃蛋漿入爐。我不跟麵包機的食譜，用自己的食譜。我用牛奶做水，如果從雪櫃取出，先叮到暖，效果會好D。
係呀，我現在那机也是凍的，唔滿桶的，咁我都要學你的方法了，謝謝您呀，我最近才巡返blog．很多朋友都冇寫了，祇有你和ＥＥ仍然還咁努力，扺讚。
刪除小月，我係用Panasonic仔麵包機做麵糰架，發出來係暖架，然後做型再發，我都唔用麵包機食譜。翠兒，我已經聽你話上網訂咗個焗爐，明天送到😁
刪除EE：有焗爐方便好多，做自己喜歡吃的包，又可以焗蛋糕，焗叉燒...期待你的出品。
刪除小月：大細少已經長大成人，各自成家，疫情關係也是少了回家吃飯了。有時知道有包剩餘，焗好放涼，包好放入冰格，食時取出回溫，可以變返軟熟的。或者取出冰凍的，直接用微波爐叮熱，用電飯煲翻熱，新鮮出爐一樣好吃噢。
刪除翠兒，謝謝你。
刪除EE：謝謝您，點解我個係凍的，唔通是個机有問題，要打去樂聲問下先，你是否用20按鈕呀？
回覆刪除係呀，你試下唔好跟佢食譜用冰水，我見佢好似係教人用冰凍水。
刪除好，ＥＥ謝謝您，我下次用返自己一向的食譜先。
刪除翠兒：謝謝您分享呀。
回覆刪除小月不必客氣，互相交流，一起享受烘焙的樂趣。
刪除焗爐是廚房幫手不二之選。
回覆刪除對呀！仲有焗爐帶給我好多開心快樂架。
刪除