蘿蔔糕是賀年食品
仲未過年
但最近蘿蔔又平又靚
當是熱身練習
蒸蘿蔔糕做早餐也不錯
材料
蘿蔔3斤 粘米粉150克 粟粉、澄粉、生粉各50克 清水2碗
腊腸、腊肉、蝦米各適量
鹽、味、糖各適量 薑汁、胡椒粉各少許
做法
- 蘿蔔去皮一半刨絲，一半切絲，蝦米洗淨略浸，腊味蒸熟切細粒
- 粉類拌勻加1碗半水開勻
- 燒熱鑊落油，先落腊味，再落蝦米炒香盛起
- 蘿蔔落鑊加餘下的半碗水煮滾，加入薑汁、胡椒粉和調味料煮至蘿蔔熟
- 邊攪拌粉水邊加入滾熱的蘿蔔，直至完全攪滑成粉漿
- 留起少量蝦米腊味粒，其餘加入粉漿攪勻
- 分盤，水滾計大火蒸約45分至完全熟
- 留起的蝦米腊味粒加少許生粉拌勻，加在糕面略蒸便成
- 出爐放涼，切件煎香更可口
以上份量是兩盤1斤12両高圓形膠盒
我蒸糕的材料比較麻煩，但成品軟滑好吃
如果要簡單一點，用粘米粉200克，粟粉100克便可以了
好多料，正呀！
回覆刪除多謝！真係幾多料。
刪除看見你的蘿蔔糕很吸引，我都想試試簡單一點，用粘米粉200克，粟粉100克。
回覆刪除好軟滑的蘿蔔糕，試下啦，4蚊一斤蘿蔔好靚呀。
刪除你的蘿蔔糕見蒸出來的水份調得好啱，很想食因疫情之下已冇去飲茶好耐，得閒我都要學你蒸來食
回覆刪除好軟滑架，有靚蘿蔔就要試下喇。雖然有份量，但煮蘿蔔都要執生，睇住如果煮熟仍然好多水，就煮多一陣，相反太乾了就加一點水便是了。
刪除唔該曬！哈哈！有煮開嘢就知真系要懂得執生，其實我朋友曾經講過煮嘢都系一門學問嚟架！
刪除對呀！煮過就明白架喇。
刪除你提供用粘米粉200克，粟粉100克的方法，真係幾簡便。
回覆刪除網上教整蘿蔔糕的方法各有不同，都係你這個用粉最方便。我都係買到個磅，先可以試做。
蒸蘿蔔糕各師各法，有人一滴水都唔落，有人全部粘米粉，我這方法要溝粉，又要落水，蒸咗十多年了，我覺得軟滑好吃，屋企人鍾意。
刪除3斤蘿蔔用幾多粘米粉
回覆刪除