我好鍾意食芋角
去飲茶一定叫一碟
喱個點心好吃
但只吃一件
所以自己好少做
大約十年前我做過
為免忘記點整
要重溫一下記錄下來
材料(12隻)
蒸熟芋頭250克 澄麵粉100克 滾水100克 豬油25克
調味
鹽2.5克 白糖5克 雞粉3.5克 五香粉、胡椒粉、麻油各少許
餡料
豬肉(或雞肉)，濕冬菇，蝦仁，筍(或西芹)，韭菜(或蔥)各適量
做法
- 餡料食材全切粒，炒成熟餡，韭菜或蔥後下拌勻
- 芋頭去皮切片，大火蒸約25-30分鐘，取250克壓成芋泥
- 滾水100克沖入澄麵粉用筷子攪勻
- 熟澄麵加進芋泥中，加入調味料搓勻，加入豬油搓成幼滑粉糰，用保鮮紙包好入雪櫃30分鐘以上成皮料(太濕可加少量澄麵粉，太乾加少量豬油)
- 取皮料38克，餡料13克，包成角形
- 燒熱油約160-170度，放入一粒玻子大小的皮料，馬上升起，無散無燶即油溫合適
- 用罩籬盛著芋角，慢慢放入油，先放芋角一半深提起，兩次之後才全隻浸入油中，炸至金黃色瀝乾油上碟
炸芋角要用新鮮油，油要沒過芋角才炸得靚，炸過的油可用來煮菜無問題
吃不完可以放雪櫃，返熱用氣炸鍋或焗爐便可，一樣脆卜卜
芋角好正，現在茶樓很少做。
回覆刪除多謝！真係好好食！係一種比較多工夫的點心，現在唔係間間酒樓做了。
刪除賣相同茶樓啲一樣，睇埋個餡料應該好好味👍，每次我睇到人地炸都係得個睇字😄怕覆雜所以未試整過。
回覆刪除當然啦！係酒樓師傅教我架，好好食架。
刪除到你真係想整的時候，發覺原來唔係咁難，成功咗好有滿足感，可能上癮添。
你真高手，芋角好正。
回覆刪除過獎過獎！芋角真係好吃。
刪除芉角確實好食，稍嫌太肥膩。
回覆刪除所以不可以多吃，每次只能吃一件。
刪除你做得好靚。芉角香口好食，不過畢竟油份太多，吃一件就夠了。
回覆刪除謝謝讚賞！對呀，只能吃一件，仲要隔好耐先食一次。
刪除好喜歡食芉角，但唔係每間酒樓都有得食，又唔識整，睇完你嘅食譜真係好想試吓.
回覆刪除謝謝到訪，謝謝留言。
刪除工夫菜，依家不是每間酒樓都有得賣，自己試下啦，不難整的，技巧在炸方面，慢慢來，掌握到油溫便成功了。
你好！請問自家炸豬油，不是白色，是水質金色？？不明白
回覆刪除謝謝到訪！我是自家炸豬油，問題是這樣的，用大油(即是一大塊豬油)炸出來的豬油，好快會凝固，是白色的。如果用肥豬肉炸出來的豬油，有機會是不凝固，是金色的液體，正常。請看我網誌http://shuen129.blogspot.com/2014/09/blog-post.html
刪除還有看見你用曼頭專用粉是不是做出來很白白的？
回覆刪除都白架，但我覺得最白的還是〝美玫低筋粉〞。
刪除遲咗發現你的留言，遲咗答你，不好意思。