2017年1月14日 星期六

蘿蔔糕

話咁快就過年了
是時候重溫一下賀年糕點













材料
蘿蔔3斤  粘米粉150克  粟粉、澄粉、生粉各50克  清水2碗
腊腸、腊肉、蝦米各適量
鹽、味、糖各適量  薑汁、胡椒粉各少許
做法
  1. 蘿蔔去皮刨絲,蝦米洗淨略浸,腊味蒸熟切細粒
  2. 粉類拌勻加1碗半水開勻
  3. 燒熱鑊落油,先落腊味,再落蝦米炒香盛起
  4. 蘿蔔落鑊加餘下的半碗水煮滾,加入薑汁、胡椒粉和調味料煮至蘿蔔熟
  5. 邊攪拌粉水邊加入滾熱的蘿蔔,直至完全攪滑成粉漿
  6. 留起少量蝦米腊味粒,其餘加入粉漿攪勻
  7. 分盤,水滾計大火蒸約45分至完全熟
  8. 留起的蝦米腊味粒加少許生粉拌勻,加在糕面略蒸便成
  9. 出爐放涼,切件煎香更可口
心得
以上份量是兩盤1斤12両高身膠盒
我蒸糕的材料比較麻煩,但成品軟滑好吃
如果要簡單一點,用粘米粉200克,粟粉100克便可以了
煎蘿蔔糕不要落太多油


20 則留言:

  1. 今年我唔蒸糕啦、一來冇人吃、二來太后的身体又唔多好、冇乜心情搅嘞。

    回覆刪除
    回覆
    1. 整少少啦,過年喎,或者太后想食呢!

      刪除
  2. 年榚年榚,年年收入高,讀書分數高,生活質素高,聰明智慧高!翠兒,有冇素餡呢?

    回覆刪除
    回覆
    1. 謝謝雨大俠祝福!有!一定有,我專誠做一個素餡的送給你!

      刪除
  3. 我未試過用膠盒蒸?
    今年我會跟你的食譜做下…謝謝分享啊!

    回覆刪除
    回覆
    1. 這種膠盒專門用來蒸糕架,更可以放入微波爐。
      做少少試下啦,希望啱你口味,吾使客氣。

      刪除
  4. 白白淨淨的蘿蔔糕,非常靚仔!

    回覆刪除
    回覆
    1. 多謝陸姑娘!蘿蔔糕我喜歡白雪雪的。

      刪除
  5. 翠兒:好靚的糕糕,你好快手呀,我仲未有準備,呢種膠盒在那處買到呀?我見有D好薄,我怕會蒸溶呀?

    回覆刪除
    回覆
    1. 多謝小月!膠盒在烘焙店、家品店或山貨舖都有得賣,係可以蒸和入微波爐的,放心啦,吾會溶架。其實我經常有蒸糕做早餐架。

      刪除
    2. 翠兒:明白了,唔該哂。

      刪除
  6. 我近年很少過年整糕,是關年初一嬸姆都送來很多。

    回覆刪除
    回覆
    1. 有人送來就吾使整喇,太多食吾晒。

      刪除
  7. 回覆
    1. 多謝samwei!我都係鍾意蘿蔔糕白雪雪架。

      刪除
  8. 過年無咗蘿蔔糕會遜色好多! 謝謝你的製作食譜。

    回覆刪除
    回覆
    1. 對呀!蘿蔔糕好受歡迎。吾使客氣。

      刪除
  9. 翠兒:如果可以的話,麻煩你話我知水兩碗的份量即是大約幾多杯量杯,因碗有大小的分別。我怕落多著水,粉漿太稀又或者比唔夠水蒸出來口感差。多謝你!~小滿

    回覆刪除
    回覆
    1. 一般中型的飯碗,每碗係250克水,我好少用量杯。

      刪除