話咁快就過年了
是時候重溫一下賀年糕點
材料
蘿蔔3斤 粘米粉150克 粟粉、澄粉、生粉各50克 清水2碗
腊腸、腊肉、蝦米各適量
鹽、味、糖各適量 薑汁、胡椒粉各少許
做法
- 蘿蔔去皮刨絲，蝦米洗淨略浸，腊味蒸熟切細粒
- 粉類拌勻加1碗半水開勻
- 燒熱鑊落油，先落腊味，再落蝦米炒香盛起
- 蘿蔔落鑊加餘下的半碗水煮滾，加入薑汁、胡椒粉和調味料煮至蘿蔔熟
- 邊攪拌粉水邊加入滾熱的蘿蔔，直至完全攪滑成粉漿
- 留起少量蝦米腊味粒，其餘加入粉漿攪勻
- 分盤，水滾計大火蒸約45分至完全熟
- 留起的蝦米腊味粒加少許生粉拌勻，加在糕面略蒸便成
- 出爐放涼，切件煎香更可口
心得
以上份量是兩盤1斤12両高身膠盒
我蒸糕的材料比較麻煩，但成品軟滑好吃
如果要簡單一點，用粘米粉200克，粟粉100克便可以了
煎蘿蔔糕不要落太多油
以上份量是兩盤1斤12両高身膠盒
我蒸糕的材料比較麻煩，但成品軟滑好吃
如果要簡單一點，用粘米粉200克，粟粉100克便可以了
煎蘿蔔糕不要落太多油
今年我唔蒸糕啦、一來冇人吃、二來太后的身体又唔多好、冇乜心情搅嘞。
回覆刪除整少少啦，過年喎，或者太后想食呢！
刪除年榚年榚，年年收入高，讀書分數高，生活質素高，聰明智慧高！翠兒，有冇素餡呢？
回覆刪除謝謝雨大俠祝福！有！一定有，我專誠做一個素餡的送給你！
刪除我未試過用膠盒蒸？
回覆刪除今年我會跟你的食譜做下…謝謝分享啊！
這種膠盒專門用來蒸糕架，更可以放入微波爐。
刪除做少少試下啦，希望啱你口味，吾使客氣。
白白淨淨的蘿蔔糕，非常靚仔！
回覆刪除多謝陸姑娘！蘿蔔糕我喜歡白雪雪的。
刪除翠兒：好靚的糕糕，你好快手呀，我仲未有準備，呢種膠盒在那處買到呀？我見有Ｄ好薄，我怕會蒸溶呀？
回覆刪除多謝小月！膠盒在烘焙店、家品店或山貨舖都有得賣，係可以蒸和入微波爐的，放心啦，吾會溶架。其實我經常有蒸糕做早餐架。
刪除翠兒：明白了，唔該哂。
刪除吾使客氣！
刪除我近年很少過年整糕，是關年初一嬸姆都送來很多。
回覆刪除有人送來就吾使整喇，太多食吾晒。
刪除我鍾意你的蘿蔔糕白雪雪呀
回覆刪除多謝samwei！我都係鍾意蘿蔔糕白雪雪架。
刪除過年無咗蘿蔔糕會遜色好多! 謝謝你的製作食譜。
回覆刪除對呀！蘿蔔糕好受歡迎。吾使客氣。
刪除翠兒：如果可以的話，麻煩你話我知水兩碗的份量即是大約幾多杯量杯，因碗有大小的分別。我怕落多著水，粉漿太稀又或者比唔夠水蒸出來口感差。多謝你！～小滿
回覆刪除一般中型的飯碗，每碗係250克水，我好少用量杯。
刪除