過年我都會開油鑊炸野
先做點簡單的熱下身
做了笑口棗
材料
低粉半斤 白糖3両 雞蛋1隻 泡打粉1茶匙 梳打粉1/8茶匙 固體菜油1両半
水適量(約6-8湯匙) 白芝麻適量
做法
- 低粉、泡打粉、梳打粉篩勻
- 加入砂糖、固體菜油搓勻，加入雞蛋搓勻，加水搓勻到軟硬適中
- 麵糰分成64粒搓圓
- 噴水，滾上芝麻，再用手按實芝麻
- 溫油，逐粒落鑊慢火炸至浮起，發大爆口
- 用鑊鏟順方向推，慢慢炸至金黃色撈起瀝乾油
小小心得
炸笑口棗要小心控制火候，油溫太低落鑊芝麻會甩
不要一次落太多麵糰，因麵糰會發大，升起後太擠迫會散
落鑊後先不要攪動，等麵糰慢慢自動浮起，小心用鑊鏟沿鑊邊推油
炸至金黃色撈起瀝乾，晾涼後放入密封器皿
如發現隔日笑口棗不脆，可能炸得不透，可嘗試用焗爐低溫焗約20分鐘
煎堆碌碌,家財滿屋;
回覆刪除油角彎彎,家財百萬!
口棗笑笑,包無拗撬!
多謝年青人！承你貴言！
刪除樓上位朋友講得好好呀！我好少開油鑊，但睇見你整得咁靚，特别係Ｄ芋虾，我又心思思，不過，去你度食更加好喎，哈哈！
回覆刪除對呀小月！喱位年青人朋友真係講得好好呀！
刪除謝謝小月讚賞！我請你食吖，我好鍾意整賀年食品架！
樓上位朋友講得好好呀！我好少開油鑊，但睇見你整得咁靚，特别係Ｄ芋虾，我又心思思，不過，去你度食更加好喎，哈哈！
回覆刪除既然心思思又玩下啦，睇見D成品會好開心架！
刪除炸嘢，我啱呀!
回覆刪除我地同好呀雀后，不如一齊食吖！
刪除爆得好靚， 真的笑口常開！
回覆刪除多謝多謝！今次粒粒都爆得好靚，我都好滿意呀！
刪除我又想食呀
回覆刪除靚姐請隨便食啦！好鬆脆架。
刪除炸得好靚!開心笑口棗,應節.
回覆刪除多謝惠惠！真係粒粒都好好笑容。
刪除粒粒都咁正,點忍得住,食食食
回覆刪除D 心得仲正,
隔日笑口棗不脆，可能炸得不透，可嘗試用焗爐低溫焗約20分鐘, 哈哈啱我呀 哈哈謝謝你
哈哈！好耐冇見你喎，多謝你。
刪除心得係本人失敗後累積的經驗，大家分享，吾使客氣。
我整果個係外面小小脆入面係淋嘅點解會感？T.T
回覆刪除要收細火慢慢炸，才會透心，
刪除你可能炸得不透心，裡面就不脆，可嘗試用焗爐低溫焗約20分鐘
如果吾用焗爐，慢火炸係可以炸到入面脆？吾用固體菜油用普通油或橄欖油會或牛油會吾會影響笑口棗入面吾夠脆？thanks
回覆刪除係呀，我只用慢火炸，到今日食仍然脆架。用焗爐只是失敗的補救方法。
刪除中式點心以前用豬油，現在有用固體菜油，橄欖油不適合高溫，牛油通常用來做西點曲奇麵包，你可以試下。
「如發現隔日笑口棗不脆，可能炸得不透，可嘗試用焗爐低溫焗約20分鐘 」可以修補，真係哂我！
回覆刪除這是一個很好的補救方法。
刪除