原來我屋企人係好鍾意食瑞士卷架
買左盒甜忌廉讓大家開心下
我仲未買到適合的長方形焗盤
一次要整兩條可以食得滿足
做瑞士卷我喜歡加點粟粉
蛋糕質地比較棉密口感更好
用腸粉布加壽司蓆幫手捲
捲好先放雪櫃30分鐘起上定型
切件後放於盒內再放雪櫃
蛋糕做法請參照
材料 雞蛋3隻(每隻約65克) 砂糖60克 低筋粉45克 粟粉15克
粟米油1湯匙 牛奶(或水)3-5湯匙 呍喱拿香油1/2茶匙
餡料 甜忌廉約180克 打發放雪櫃備用
做法
- 分蛋法蛋糕做法，9吋方盤200度15-20分鐘至金黃色放涼備用
- 反轉蛋糕放於布，撕去底紙塗上忌廉，小心捲起，收口向下連布放於雪櫃定型
- 蛋糕卷除去布放於紙上，切去頭尾，切件食用
各家爐火有異，請自行調節
蛋糕薄要高火一點，快點焗熟，焗得耐會乾
好正，靚到唔捨得食……
回覆刪除多謝師兄！趁新鮮食左佢啦，好好食架！
刪除咁靚真唔捨得食。
回覆刪除謝謝EE讚賞！
刪除咭咭，我捨得食呀！
回覆刪除咁就啱喇！扮下靚就係想增加食欲嘛！
刪除我都鍾意呀。我鍾意食你這種，多多蛋糕少少cream。
回覆刪除我都係呀！少少忌廉可以食多件，蛋糕都好好食架。
刪除我鍾意呀！沒有牛油，好似健康D。
回覆刪除多謝惠惠！有牛油香D，但吾係人人鍾意牛油味架。
刪除翠兒 : 請問你是用什麽速度來打發蛋才可令到蛋糕細緻。有分先後用什麼速度來打嗎? 謝謝你!
回覆刪除一開始用快速打起大泡，然後分兩三次加糖，蛋白開始變細泡，小心睇住不要打發過硬，蛋糕便軟滑細緻，這時你可以用中速，冇咁易打過硬。
刪除