2016年10月6日 星期四

白糖倫教糕

有親戚到訪
做點小食招呼客人
投其所好做了白糖糕
幸運做出理想效果
有上下直紋
爽口彈牙
正呀




材料
A 粘米粉150克  清水150克
B 白砂糖120克  滾水180克
C 乾依士3/4茶匙  暖水2湯匙  泡打粉1/4茶匙  鹼水2滴  粟米油1茶匙
做法
1.材料A清水加入粘米粉攪勻成粉水
2.材料B白砂糖加入滾水攪溶成糖水
3.把糖水倒進粉水,並攪勻成粉漿
4.鑊加入滾水,收至慢火,粉漿坐水不停攪拌至粉漿不沉底便可
5.離火冷卻,可坐水加速冷卻
6.材料C乾依士加暖水攪勻,等發起,倒入已涼的粉漿攪勻加入泡打粉攪勻
7.包上保鮮紙,放在溫暖的地方發酵至起泡泡(約1-1.5小時)
8.鹼水加進粉漿攪勻,加入1湯匙油攪勻
9.燒滾水,.粉漿倒入已塗油的鋼盤,大火蒸15分鐘便成

20 則留言:

  1. 以前買的試過有少少帶酸味,不知道是否不正常的白糖倫教糕呢?

    回覆刪除
    回覆
    1. 這個糕發酵時間掌握得準確,不會有酸味的。不小心發耐左,就有酸味了。

      刪除
  2. 小時不愛吃,可能是那些米漿味有點難聞,到而家我也只吃一兩片而已!
    你整得好靚,如果有得試嘅話…我諗我一定會食夠三件……

    回覆刪除
    回覆
    1. 發酵時間長左,就會有難聞的〝酸、叔〞味,不好吃.......
      多謝師兄!這個我自己蒸的,我花左很多時間實驗總結出來的,不酸,爽口好吃的,你真的可以吃三件!

      刪除
  3. 樣子好靚呀,原來要加鹼水。

    回覆刪除
    回覆
    1. 多謝EE!發酵過的食物加點鹼水,中和酸性。

      刪除
  4. 咁白糖倫教糕同白糖糕有乜分別呀?

    回覆刪除
    回覆
    1. 我這個糕應該是叫白糖倫教糕,我懶寫少兩個字。

      刪除
  5. 我鍾意食,但是不會整,外面買來。現在你處食件。

    回覆刪除
    回覆
    1. 惠惠既然鍾意食,做乜吾自己試試整呢?好食過街賣架。

      刪除
  6. 你嘅食譜真係好掂呀,我上次去加拿大時,整比D親友食,個個都讚到不得了!

    回覆刪除
    回覆
    1. 多謝小月!食譜去到加拿大發揚光大,是我的榮幸,好感動!好多謝你!

      刪除
  7. 回覆
    1. 多謝軒軒!你試過都話正,好開心呀!

      刪除
  8. 我將焗炉开到最低温很快便伸隻手進去試吓,感到熱度像体温便熄火,若过熱便打开炉蓋侍凉些才把盤粉漿蓋上保鮮膜放入去發酵45分鐘至1小時便ok,很成功架!你这個睇到都“好正"呀!

    回覆刪除