2016年3月22日 星期二

芋圓西米露

翠兒嗜甜
經常都會煮點飯後甜品
滿足口腹之欲
今次做芋圓西米露
高Ling的食譜
好吃
多謝高Ling







  


材料
A  香芋100克  紫薯100克  黃薯100克  砂糖60克  木薯粉120克  粟粉30克  水適量
B  西米100克  白糖150克  水2碗  鮮奶1碗  椰汁1/2小罐

芋圓做法
  1. 芋頭、紫薯、黃薯去皮切成小塊,蒸約20分鐘至熟
  2. 分別加入20克糖,趁熱壓成泥
  3. 分別加入40克木薯粉,10克粟粉
  4. 分別加入適量水,搓成不黐手的粉糰
  5. 各粉糰分成四份,搓成約手指粗的長條,切成小粒,撒上小許粟粉防粘
  6. 一次用不完,餘下的放冰格雪凍候用

做法
  1. 水滾倒入西米,攪勻煮至滾起熄火,加蓋焗至西米中央剩一點白色撈起沖水,涼後瀝乾備用
  2. 水滾倒入芋圓,煮至浮起後再煮1分鐘,撈起過冷河,瀝乾水備用
  3. 煮滾2碗水,加糖煮溶,加入牛奶、椰汁煮滾加入西米、芋圓再煮滾食得

心得
高Ling用太白粉,我冇太白粉用粟粉
芋頭和各種番薯的含水份不同,用湯匙小心加適量水
趁熱加糖和趁熱加粉比較容易搓成粉糰
今次的芋圓分兩次用
甜度大眾化,嗜甜的朋友可加糖

16 則留言:

  1. 回覆
    1. 哈!西米露又香又滑,芋圓煙煙韌韌,又真係幾吸引架!

      刪除
  2. 今朝早看到你這甜品篇便即刻入來學,好正呀!
    同時這些薯泥又使我想起一款炸甜點,就係將番薯泥包綿花糖外用蛋粉黏麵包糠嚟炸。

    回覆刪除
    回覆
    1. 謝謝如心兄!喱個芋圓煙煙韌韌真係好正!
      我又想試你個炸甜點,包棉花糖好特別。番薯泥要加粉嗎?

      刪除
    2. 我冇想過加粉喎,可能加咗會好啲?
      而我只是用番薯泥來包,如果怕唔夠甜可加少許糖……
      我新寫日誌的所有留言,據我所知已有三個被沒收了,甚至是自己留給自己的都顯示不到,莫非是我上載了一段大陸【廣州話趣】的視頻有關?
      我已Delete 了,希望谷歌可「網開一面」罷!
      但最後都唔得,睇下如果有時間我會將此篇重新做過。

      刪除
    3. 我細個果時母親整過番薯棗,番薯泥加點糯米粉做皮,包番薯餡,滾上芝麻黎炸,都好好食架。
      係喎,我去你卜留言真係吾見左。

      刪除
  3. 俾著我就只會將芋頭、紫薯、黃薯去皮切成小塊,一齊放入去煲就算完工架喇!

    回覆刪除
    回覆
    1. 我都係好懒、前两天用蕃薯粒煮個椰汁西米露就算!

      刪除
    2. 年青人你的做法真係方便,都好好食架,不過口感吾同,冇左芋圓的煙煙韌韌。

      刪除
    3. 亞靚姐你的番薯椰汁西米露都好食呢,又方便快捷,用香芋更好食呀!

      刪除
  4. 芋圓西米露好正呀!睇見,心都甜晒。

    回覆刪除
  5. 我好鍾意食芋圓,不過如果要整咁多色又會懶蟲上身。

    回覆刪除
    回覆
    1. 咁你整單色啦!剩用香芋包你好食,西米露有香芋味,和椰汁好夾架。

      刪除