我很喜歡吃綠豆沙
已經好耐冇煲過綠豆沙了
綠豆沙基本上有綠豆和糖便成
我一定要加臭草和陳皮
一般加蓮子百合
今次加了栗子
綠豆沙更香更美味
材料
綠豆 臭草 陳皮 栗子 黃片糖 白沙糖各適量 粟粉一湯匙
做法
- 綠豆、臭草洗淨，陳皮略浸刮去內瓤，栗子滾一滾去衣備用
- 水適量煲滾，加入綠豆、臭草，大火煲約25-30分鐘
- 此時綠豆皮會脫出升上水面，撈起綠豆皮和臭草棄掉
- 加入栗子再煲30分鐘，加糖煮至糖溶
- 粟粉加兩湯匙清水開稀，加進綠豆沙煮滾即成
今次用綠豆、栗子各一磅，黃糖、白糖各半斤
水份足夠，水要大滾才易去殼
綠豆沙缺乏臭草同陳皮，等於吃白切雞無薑葱溶一樣，口感差好遠！
回覆刪除講得對！年青人果然係食家！
刪除絶對同意！
刪除真係香好多！
刪除我都同意呀~~
回覆刪除加栗子又未試過喎，下次試吓先，但依家請我食一碗先喇，哈哈！
等我畢碗畀你啦，新鮮煲好趁熱食最美味！
刪除好耐冇煲，係你度食碗先喇！謝謝翠兒。
回覆刪除多謝惠惠捧場，請慢用！
刪除好特別喎~ 加栗子一齊煲! 妳啲栗子起衣, 起得好靚呀! 妳點起得咁鬼乾淨又完整架?
回覆刪除加栗子好食架，栗子去衣不難，煲滾水加入栗子煮約5分鐘，趁熱好易去衣。但我也聽過外國朋友話好難去衣，可能栗子的品種不同吧。
刪除我呢幾日都好恨食綠豆沙，點知係你 blog見到。
回覆刪除哈哈！可能我地心靈相通！快D煲啦，真係好好食呀！
刪除多謝你的食譜。好正，我會煲的。順便請問知不知最近如何才能看得到（高ling的美食工坊）你有她的新網站嗚？麻煩下次告知。謝謝！
回覆刪除煲左綠豆沙未呀？我都睇吾到高Ling個卜，幫你吾到。
刪除