買開刀大龍躉
啖啖肉無下欄
加點冬菇火腩蒜子來炆
真係好香好吃哦
材料
龍躉肉約1斤 火腩、浸發冬菇(先蒸淋)、蒜子各適量
調味料
A 鹽1/2茶匙 糖1茶匙 胡椒粉少許 雞蛋1/2隻 生粉適量
B 蠔油1茶匙 糖1茶匙 老抽少許 生粉水少許
料頭 薑片、乾蒽
做法
- 龍躉肉切件，洗淨用廚房紙吸乾水份
- 加入調味料A，醃約15分鐘，加入生粉，讓每件魚都沾滿生粉靜置5分鐘
- 燒熱鑊加入油適量，分兩次把魚塊炸至金黃色盛起備用，加入蒜子炸至金黃色
- 倒起油留下少量，加入料頭、火腩冬菇爆香，加入魚件略炒，讚酒，加水適量，加調味料B，加入蒜子，大火炆約10-15分鐘，試味，看情況調味加少量生粉水，上碟
這碟因忘記浸冬菇，是沒冬菇的
龍躉肉真係好好食😋
回覆刪除對呀！仲係無下欄，買幾多食幾多。
刪除我細佬好鍾意買龍躉食，啖啖肉喎。不過英國無呢。
回覆刪除英國沒有生劏大龍躉吧。
刪除我每次入到來，都不會失望而回，雖然沒有口福，但有眼福！
回覆刪除謝謝你的支持，我的生活沒你那麼多采多姿，唯一可以分享的就是這些每天都要做的事吧。
刪除燜龍躉好好食.
回覆刪除謝謝到訪，謝留言。炆龍躉又香又好味啊！
刪除我無你咁既烹調技術，就算見到靚龍躉肉都唔敢買。
回覆刪除建議你下次見到買來試下。其實以前我都不敢買的，買餸鍾意睇人生劏大龍躉，檔主之後分門別類切開一舊舊來賣，好多人買。先是買少少試下蒸，檔主除幫你去魚鱗，仲問你點整，幫你切埋，如果蒸，5分鐘就可以了。我只是用一般炆魚的方法去炆，以前紅燒大魚頭，依家買個大魚頭都好貴，要50、60蚊以上，不如買龍躉肉8蚊一両，全部食晒，有好多人買魚鰭部份來炆，更滑更好食。
刪除