天氣暖和總是想起玩中式包
恐怕疏於練習會忘記
去買左包豆沙
好快就有包包食喇
材料A
中筋粉200克 依士1/2茶匙 糖少許 水100克
材料B
砂糖40克 泡打粉1/3茶匙 梘水3-4滴 清水1茶匙 油少許
材料C
豆沙餡適量
做法
- 材料A中乾依士和糖加進水，靜候5分鐘至依士升起
- 依士水加進低筋粉，搓至成幼滑麵糰
- 蓋上保鮮紙發酵約1小時
- 材料B中砂糖加發粉拌勻，梘水加入清水中，加入發好的麵糰搓至糖溶，加入油少許，適當加點手粉搓至成幼滑麵糰，分成8等份
- 取麵糰一份，用手壓扁用酥棍展薄包入適量豆沙餡包成圓球形
- 收口向下放在包紙上，排在蒸籠上
- 靜置約30分鐘，大火蒸約12-13分鐘出爐
咁早有包包食真好 ! ^^
回覆刪除多謝芹菜！屋企有人喜歡中式早餐。
刪除我始終未敢再嘗試中式包，發得唔靚又蒸到豆皮
回覆刪除試下啦！自古成功在嘗試呀！
刪除好靚嘅豆沙包！
回覆刪除多謝軒軒！
刪除好得意、好似白魚蛋、請問你買邊隻豆沙？你今次食譜唔同咗、落咗梘水、作用係白啲？
回覆刪除豆沙隨意去烘焙店買，今次食譜係以前初學時的，重溫一下都好得喎。
刪除你好聰明，加點鹼水真係白D，不過多左就會黃架。
晚安翠兒:中色包包我啱吖.
回覆刪除多謝惠惠！我地同好！
刪除師姐, 豆沙包真係好正, 我喜歡吃 中式包 多 d !
回覆刪除師姐有冇整番幾個食下呀？我個焗爐燒左喇。
刪除燒左?! 咁快!
刪除係呀，某日發好麵包準備焗，一扭開關制“啪”一聲，還有少少火花，可能係電線短路。結果麵包用麵包機焗左，都幾好食，不過肉酸左D囉。
刪除都吾快喇，喱個焗爐仔服務左我6年，教識我焗蛋糕、麵包，我好多謝佢架。
靚靚豆沙包！
回覆刪除唉!我唔止蒸包巢皮呀, 連蒸蛋糕都會巢架! 可唔可以教下我呢!?
回覆刪除夫人講笑咋？你試下我喱個方法睇下得吾得。
刪除有火花, 真驚嚇 ! 原來服務左我6年, 係時候退休, 比機會你買新玩具 !
回覆刪除師姐講得啱！買左喇，買大個D，又要慢慢同佢溝通。
刪除