喱幾日天氣不穩定
想去買餸突然落大雨
行去附近超市買隻冰鮮雞
今次試下白切雞
估吾到咁好食喎
我賣花讚花香
好食過油雞檔果D
真係又平又靚
材料
冰鮮雞1隻 乾沙薑6-8粒 鹽2湯匙
做法
- 冰鮮雞解凍洗淨瀝乾水
- 水一煲加入沙薑粒燒滾，加入鹽攪溶
- 雞放入滾水讓雞肚灌滿水，提著雞頸放水，重覆三次
- 收到最細火浸雞30-35分鐘
- 把雞取出沖水約5分鐘，塗上少許油
- 斬件上碟，跟薑蔥油上
浸雞的水要浸過雞面，中途再掟水三次更佳
浸雞全程不要加蓋
時間許可把雞放入雪櫃1-2小時，更加爽口
滑一滑，我要食雞髀呀!
回覆刪除又爽又滑！你第一請你食隻雞肶！
刪除一次過浸兩隻，分兩天吃?
回覆刪除喱度一隻雞咋，要留飯我切開兩碟。
刪除點算好？睇見都想食！
回覆刪除多謝多謝！送一碟畀你食吖！
刪除我吾知有冇得食？
回覆刪除梗係有啦，埋位啦，等我拎碗筷過你。
刪除yum yum！ 香港的雞最好食！請問浸完雞的水要唔要？
回覆刪除多謝！浸完雞D水我吾要架。
刪除嗚嗚 >+< ，唔制呀，咁遲嚟，冇靚滑雞脾食了。
回覆刪除哈哈！小月今次做乜咁執輸呀？^o^
刪除翠兒,
回覆刪除睇相就知, 靚過燒臘檔的多多聲啦!
這個浸雞法好WORK喎!
沙薑原來有成粒的, 睇妳寫出才知, 可能比沙薑粉純正!
請問: ...滾水讓雞肚灌滿水，提著雞頸放水，重覆三次
收到最細火浸雞30-35分....
即是一路開火, 不用熄火嗎?
多謝愛Shi！這個方法吾錯嫁，你都試下啦。
刪除沙薑粒去香料舖或烘焙店買。
滾水放入雞水已經吾滾喇，掟水三次後記得收到最細火，我煲細水少，如果熄火D水好快凍左浸吾熟隻雞，所以是一路開著最細火，但不能讓水滾起，不要加蓋，雞皮才靚仔架。
Yes, 唔該晒妳!
刪除請問水滾放入雞後幾耐才將隻雞提起，之後每隔多少分鐘才把雞再提起？謝謝！
回覆刪除唔好意思!我再仔细番看清楚,现在明白了,這动作重覆做三次便ok.
回覆刪除翠兒: 請問浸雞不加蓋,隻雞會唔會唔熟㗎! 這隻大约幾重呢? 唔該哂。～ 小滿
回覆刪除你睇下我兩碟雞個樣就知熟吾熟啦，加蓋會甩皮架。
刪除喱隻雞約二斤重，如果大隻咪浸耐D囉，浸到熟為止。